قصيدة الشاعر / محمد علي القوسي (ابو صبري )

اللـيله الـبرق من بـطن الـسـحـابه زغـف

12 ابريل 2015م ..

..............

اللـيله الـبرق من بـطن الـسـحـابه زغـف

وامـست بـروقـه تـلامع فـوقـنا عـاكـفه

ورعـد حـنّان يـرعـد ما انـقطع او وقـف

واسـقى الـسعيده سـيولـه مـغرقه جـارفه

واحـنا شـربـنا وكـلّن من شـخـوبه غـرف

وطـالـنا الـسيل جـمعه ما حـدا اسـتـأنـفه

واعـصار يـاكم من ارواح الـبرايا قـطـف

ايـضاً وعـاد الـزوابـع فـيه مـتـخـالـفه

لـكن مـا هـو مـطر رحـمه لـنا لـلأسـف

ولا مـطـر خـير تـشـرب مـنّه الـعـاجـفه

ألاّ مـطر شـر يـنـزل بالـصواعـق قـصف

واجـتاح فـوضـاه عـم الـطارف الـطـارفـه

دمّـر مـحاصـيلنا والـزرع فـوق الـعـلف

واغـرق لـنا الأرض من مـوجـاته الـخـاطـفه

وحـطّـم الـبيـت والـوادي تـرابـه جـرف

بـعنـفوانـه ولا الـقى شي لـنا واقـفـه

شي قـد تـكسّـر وشي من راجـماته نـزف

وشي تـخـرّب واشـياء صـبّـحت تـالـفـه

ريـاح واعـصار والـزاب الـخليـجي عـصـف

وثـارت احـقاد ذي سـمونـها الـعـاصـفـه

لـمّت نـسور الـتـحالُف كل مـنهُم حـلـف

وشـكّلوا حـزب شـخـصيات مـتـحالـفه

والـتم شـمل الـعجـائـز كـلهـنّه بـصـف

نـوره ووضـحى وبـسـيوني وصـل خـالـفه

تـجـمّع الـعرج والـمكسور واهـل الـتـرف

وهـاجت اثـوار فوق اوحـاش مـش خـايـفه

هـجـوم كـاسح كـما تـهجـم نـسور الـجـيف

بـلا مـبرر ولا نـدري عـن الـسـالـفـه

عـلى الـيمن صـف قـاموا كل واحـد دهـف

بالـمال والـنار سـوّوا في الـبـلد راجـفـه

وحـلّقت طـائـرات الـغزو تـضرب نـصـف

بـلا تـوقُف قـواذف نـارهـا كـاشـفـه

تـخـمّن اهـداف ما اتـحـقق لـهم شي هـدف

إلا عـلى الله يـاضـربـاتـه الـنـاسـفـه

كـأنـهم جـو على دعـوّه لـمـقـيل وزف

والـصمت لـو طـال بـعد الـصمت ياوادفـه

كـافي تـفـرُّق وهـيّا بـانـقاتـل شـرف

في سـاحـة الـعـز لـو با نـطـرح الـنـاصـفه

بـانـقضي الـدين ونـكيل القضاء والـسـلف

أرض الـيمن للـمـعارك دائـماً آلـفـه

لا حـزبـيه لا مـذاهب كل الايـدي بـكـف

من دون تـمـيـيز في خـضراء وفي نـاشـفه

ونـترك الـعُـنصـريه صـدق رغـبه وشـف

لـو عـندنا ايـمان أن الـحـزبـيه زائـفـه

كـافي تـشـتُت وصـلنا آخـر الـمُنـعطف

الـكل واحـد وكـلمه واحـده هـاتـفـه

..............