يقول الشاعر العطوي لباس العز والقمزه
5 ابريل 2015 م .
..............
يقول الشاعر العطوي لباس
العز والقمزه
لبسته ما لباس الذل ما
اهوى ثوبه المشموز
اقف مثل الجبل للخصم مهما
هز ما هزه
ولا اعلنت التحدي لا تراجع
قبل مانا افوز
ولا با أيد الا الحق والغلطان
ما اعزه
وربي لو يواجهني وراسه
للسماء مركوز
اقول الصدق في وجهه ووقت
الضيق واللزه
يقلي بندقي لبيك لا قد
شافني ملزوز
تحياتي لأعضاء ملتقى اهل
الخير والعزه
بكل الفخر باقول الحدا
ياكنزي المكنوز
بكم يشتد باسي في الحظاء
والنفس معتزه
لكوني من عيال اهل الحدا
ذي شورنا مفروز
نبذنا التطرفه والتفرقه
في صفنا عجزه
بكلمه واحده قلنا كفا غدر اليمن ياغوز
كفا التفجير والارهاب في
الحارات والفرزه
كفانا الكذب والتظليل خبر
سيدك المحروز
بان الصقر ما عمره يخاف
البط والوزه
وانا ما خاف لا منه ولا
من حبه الموقوز
لأنه ما يعز الشعب وانا
كيف با اعزه
لأنه ذي يقتلنا وقتل النفس
ماذي يجوز
يصيح الموت لمريكا ويقتلنا
جعل بزه
يقل هزيت اراضيها وهو ذي
منها مهزوز
علينا الموت وامريكا عليها
الموز والمزه
ينامو في سفارتهم وهو في
بابها مغزوز
وقال الموت لسرائيل واسرائيل
في غزه
تقتل تعتقل تنكر لدوله
حقها مبروز
وباب المسجد الاقصى عليه
القفل والرزه
ينادي ياعروتنا وهي تسمع غُنا فيروز
.............
0 تعليقات