مـاحـلّها يا دُعـاة الـسلم شي بالـخـراب
2 ابريل 2015م ...
................
مـاحـلّها يا دُعـاة الـسلم شي بالـخـراب
ولا الـصواريـخ تـقصُـف في اليمن يانـصيب
هـل هـكذا الـحُب يامن تـصربـونا صـراب
هـل هـكذا وقـفة الأخ الـشقيق الـحـبـيب
هـل الأخـوّه تـحـتم تـجـعلـونا غـياب
من ظـاهر الأرض والله أمـركـمّه غـريـب
هـل حُـبكـم للـيمن بالله كـسر الـرقـاب
هـل جـاز الاسـلام قـتل الـقابـله والـطبيـب
هـل حـالـنا الـحول ولاّ قد بـلغنا الـنصاب
حـتى تـصفّوا وطـنا الـمكتسي كالـضـريب
هـل قـتل الأطـفال عـادي عـندكم لا يُـعاب
واحـراق حـق الـمواطن والـجرم والـعسـيب
هـل هـكذا الـدين يـوصيكم بـقطع الـشراب
والـقوت والـنفـط واسـباب الـمعيـشه تـغيب
فـي ظـاهـر الأمـر رحـمه والـحقيقه عـذاب
بـقصـفكم شـعب عـشوائي ولا من مُـجيـب
اوجـدتـوا اطـفال تـتشرّد بـدون الـثياب
وكـم أرامـل من اسـباب الـدمار الـرهـيب
هـذا الـجوار الـمقـدس عـندكم يا دواب
قـد الـثُـكالى بـتـرفـع صـوتـها بالـنـحيب
سـلاحـنا قـد تـدمّر لـيش يابـو عـقـاب
وبـاقي الـجيش دمّـرتـوه مـنكم أُصـيـب
سـلاحـنا مـلك حـق الـشعب يـدّي وجـاب
مـش حـق صـالح ولا الـحوثي شـراهـا زبـيب
صـالح طـلبها
بـمال الـشعب ضـخ الـحـساب
والـحوثي اقـبل من اوّل امـس جـانـا قـريب
شـعب الـيمن بـين خـلق الله دايـم مُـهـاب
يـناصـر الـدين لا يـرفـع شـعار الـصـليـب
اذا غـضب لا يـردّه شي فـوق الـتراب
يـعدي ويـبدي ويـتحدى الـشديد الـصـعيب
مـا خـاف واهـتاب إلا من شـديد الـعـقاب
ولا يـهاب الـقـنابل حـامـيات اللـهـيب
مـا هـم من غـزو ولا من نـباح الـكـلاب
والـروح والـدم يـرخـص لـجل شـعبي يـطيب
ابـو يـمن طـول عُـمره عـاش بـين الـذيـاب
ابـو يـمن بـس ذي راوي من امّـه حـلـيـب
.............
0 تعليقات