يقول ابو سالم كتبت النشره
12 ابريل 2015م .
.............
يقول ابو سالم كتبت النشره
في شعر واضح من دمي محفوره
مادام كل الشعر دايم بحره
لازم يصرح للخبر وبحوره
صوت الحقيقه صادره من شعره
العقل زينه في حكم مشهوره
يا عقل هل ضاعت عليك الفكره
اولاحواسك بزعل معذوره
المخ ذي حطه ولي القدره
يجمع ويضرب للعددبشعوره
والجسم ذي هو غير حسي ذُمره
يلعب بنفسه وحدها بمروره
والراس ذي يفهم لعد النمره
تمشي حياته كلها مسروره
والقلب ذي يعرف يحدد امره
قلبه وعلقه ذي يرتب شوره
قال الفتى طاح القلم من حبره
كلا ولا با تكتب الطبشوره
صنع المداد اليوم شغله عسره
وللأسف ما تحفظ الصبوره
والارض ازمه كلها مضطره
كلا ولا زحمه ولا طابوره
ولا سلع والقمح عزل سعره
معدوم لا يكمن احد لحضوره
والشخص ذيما حك جسمه ضفره
يبقى يعاني عضمه المكسوره
اشعل جروحه والالم في ضهره
ما فاده المنظار والدكتوره
علاجه اكبر سهل يشتي خبره
لازم يشوف اوجاعه المضروره
ينظر بلاده قهرها من قهره
ذي فيه نخوه ساكنه مجبوره
ويشوف كل افكار شله قذره
والجو كله والسفن محظوره
هذا هلاك الشعب ماهي اسره
من كل خاين والنوى مذكوره
باع البلد با نلحقه لا قبره
لو با نضحي كل من جاء دوره
شعب اليمن لا شد قوة ازره
جمهورنا والشعب من جمهوره
شعب السعودي ينتظر للعمره
والحج في مكه بكل شكوره
لازم نحقق للهدف بالشفره
بنصر شعبي واليمن منصوره
هذه السنه لابد رمي الجمره
في وسط مكه مالنا مقصوره
ركن اليماني طول طايل عمره
حد اليماني والعرب بتزوره
والحج مجاني ولا له اجره
دام اليمن تسمح لكل الجوره
لحج بيت الله مليون مره
كفى السعودي لاستلام اجوره
ذي حالف امريكان ضاهر كفره
يبقى يهودي ملته مجروره
جمعه مع الصهيون هذه سره
مع يهودي يشرب القاروره
الخمر منهي وانت تشرب خمره
لابد ما نفعل لهم جعفوره
خايف يواجه جو واحنا بره
واحنا لها والظل يولع نوره
شعب السعودي با نفكك اسره
لا للملوك الان او تجبوره
لا للعبوديه ومكه حره
لا للملك والمملكه مهجوره
لا لاستلام الملك لا للكبره
ماهي لغير اولادها محجوره
لا للخلافه كلها من عشره
لا تلعبو بالشعب ما هو كوره
من دون حريه ملك من صغره
جمهوريه والحل في تصدوره
ال السعود اليوم ماله نظره
يرحل مع الصهيون كف غروره
سلمان لو شعبه تعرف مكره
كشف الحقايق مثل كشف العوره
يكفي ملوك اليوم يكفي فتره
يكفي كفايه للملك وقصوره
شعب اليمن جايي يحقق نصره
بالجيش والقوه معه وصقوره
جيش المعزه ما امامه عكره
كفو التقدم ينهي المحذوره
النصر للاسلام داخل نحره
والفخر في قلبه سكن معموره
حسره عليكم يا سعودي حسره
حسره لمن واجه اسود اسطوره
باع اليمن با نلحقه لا قبره
لو با نضحي كل من جاء دوره
من خان شعبه والخيانه فخره
لابد ياكل خبز من تنوره
واختم قصيدي والكلام الشهره
لكل من عطر يشم بخوره
صلاة ربي واحمده من شكره
على محمد بختم المنشوره
صلوا على خير البشر من ذكره
تغشى محمد
طول مر عصوره
.........
){kind=link}
0 تعليقات