يا ايها الملكه قلي لي وايش حاصل يا سبأ
5 يونيو2015م بدع موجه الى الشاعر سبأ غالب
يحيى العواضي .
.............
يا ايها الملكه قلي لي
وايش حاصل يا سبأ
من المسبب لاهتزاز العرش
يابنت اليمن
ما باله الهدهد قديما جائنا
باحلى نبا
واليوم جانا عكس ماجانا
بذياك الزمن
................
زامل الشاعرة / سبأ غالب يحيى العواضي
جواب على بدع
الشاعر جميل احمد الثجاف (ابو جمال) .
.............
يابو جمال الود اصبح في
الزمن هذا هبا
والاخ اصبح ينقتل في يد
اخوه المؤتمن
اما السبب في رأينا من
بعد كلمة مرحبا
يد الخون ذي أشعلت ما بيننا
نار الفتن
والهدهد المسكين بعد الموقف
الاثم أبا
الا بان يرسل لنا ما صار
فعلا في اليمن
قد جائني منه النبأ بالحرب
واخطار الوبأ
ثم استشرت وقلت افتوني
برأيي من ومن
قالوا لي انتي تأمري واحنا
اولوا بأس وإبا
قلت الملوك اذا رست في
الارض تفسدها زمن
...............
زامل الشاعر / جميل احمد حسين الثجاف (ابو جمال)
جواب الجواب على
الشاعرة سبأ غالب العواضي .
............
يا مرحبا بالقول ذي جاء
من حروف السين با
من عبرت عنما بداخلها على
حب الوطن
وعللت في من تسبب او تخبا
او خبا
ومن يكن داخل ضميره حقد
في قلب الخون
ياشاعره عشتي وعاش الشعب
كامل في ربا
بلدي الحبيبه موطني صنعاء
وفي الحره عدن
منذ الازل منذ القدم منذ
الصغر منذ الصبا
واحنا اليمانيون لا نركع
لغير الله لن
ابن اليمن نفسه عزيزه حرلويحبي
حبا
لجل الكرامه لو حصل ياكل
من الارض العفن
بالله ءامنا و بالاسلام
دين المجتبا
وبالرساله اعتنقنا الدين
فرضه والسنن
.............
زودنا بالمساجلة الشاعر ابو جمال جميل
){kind=link}
0 تعليقات