قصيدة الشاعر / محمد علي القوسي (ابو صبري)

مـا يـقهر الـقلب غـير الـصاحب الـموهـوس

3 يونيو 2015م.

..............

مـا يـقهر الـقلب غـير الـصاحب الـموهـوس

من زاغ خـلـسه ولا يـدرون جـلاّسـه

ذي يـحـسد الـخلق لا را بـعضـهم مـلمـوس

يـمرض ويـغتاظ وامـسى يـوجـعه راسـه

يـبات مـحموم تـاعـب مثل مـا الـمـشموس

ويـسـهر اللـيل مـا غـفّـى بـنـعّـاسـه

يـمسي بـحـاله كـئـيبه داخـله  مـفـحوس

خـبيـث ريـحـه وفـي زفـرة تـنـفّـاسـه

لـئـيم لا روّحـه عايـش كـما الـمـمسـوس

يـصارع الـقـهر ويـعـاني بـوسـواسـه

يـعيش في وكـر كُـرهه للـبشر مـحبوس

ويـشرب الـسُم ذي حـطّه وسط كـاسـه

يـسمر بـكابـوس واصـبح فـوقه الـكابوس

عـذاب يـأكُل لـبعضه يـقـحـص امـواسـه

جـلده من الـهرش والـحـكّه قـده مـدحـوس

لا هـو يـعـابـب ولا يـتـرُك لـبـعسـاسـه

يـدعـي ويـندُب ويـشجُـب حـضّه الـمنـحوس

حُـبّـه زوال الـنـعم والـخـير من سـاسـه

لـو يـملك الـرزق ما الـصى للـبشر فـانـوس

أو أمـر غـيره بـيـدّه كـان هـو داسـه

مـا يـقتـنع لـو مـلـك مـا يـملـكه قـابـوس

لابُـد يـحـسد ولـو مـالـه مـلى اكـياسـه

اذا كـسب شـخص لـسّانـه يـقع مـلهـوس

كـأن حـد كـسّر اسـنانـه مـع اضـراسـه

تـلقاه كـالـثعل ما بـين الـبشر مـدسـوس

لا تـخـدعـك فـيه ضـحـكاتـه وجـخّـاسـه

فـلا يـغُـرّك جـمـالـه ذلـك الـطـاووس

في داخـله كـنـس يـامـا اصـعب لـكـنّاسـه

مـهما لـبس او تـمظـهر دائـماً مـخلـوس

عـاري تـعرّى ولـو قـامـوا بـلـبّـاسـه

نـكيـر مـا هـو من الـمـحـسوس والـملموس

جـنّي من الـجـن في حـجـمه ومـقـياسـه

من يـحـسد الـناس من بـين الـبشر مـطموس

الله يـهـديـه والا يـقـطـع انـفـاسـه

..............