ابو علي قال شفت الذوق في الالفين
15 يوليو 2015م.
.............
ابو علي قال شفت الذوق
في الالفين
الفين وستعش يا شوقي لسكانه
واللمس والهمس بين الرقم
والرقمين
وشكلها كرت وسط الحوش مصتانه
مبرمجه كمبيوتر درجها درجين
محبوك محبوك صندوقه وبيبانه
طبلونها عال هوكه شاشته
لمسين
محلا الكنب في غماراته
وفي الخانه
لها مسجل وسماعات لا غنين
يلقين سواقهن يحبي على
اسنانه
بحر الهوى بحر فوق البحر
والبحرين
والبر برين لا قد هاج بركانه
خيلت انا برق سابق واللحق
البرقين
ما برق سع برق لا هانك
ولا هانه
مساقي البرق الاول فالوطن يسقين
والجوز واللوز موجوده ببستانه
انا اشهد ان الحلا والزين
حيث الزين
حيث الوفاء والادب والطيب باركانه
ما فات ما مات لنه ساكن
الظلعين
والقلب مشغول من داخل على
شانه
هذا ولي نفس تهوى زين زين
الزين
حتى لو الناس قد غالو في
اثمانه
مولى القوام المهيف ساجي
العينين
مليانه الانتكه والذوق
مليانه
محلا بياض السواعد فيه
واليدين
والوجه صافي صفا لوله ومرجانه
والانف منصوب كنه سيف ذو
حدين
والذوق مشكوع في لبسه وفستانه
وانجين وانجين ذي ما مثلهن وانجين
ذي شوفهن يلقي الاحساس
سكرانه
ذي لابسات العبايا ليتهن
يبدين
كمن غزاله وكمن غصن فتانه
منقشات السواعد نقش والكفين
ذي مشيهن عاد به كبره وعنانه
كمن مهندم مقنف راغد النهدين
حجاب ربي على لحمه وعظمانه
يكفين نظرة عيونه لا نظر
يكفين
في جسمه القطن منسوجات
وابدانه
ابوعلي قال هولا الفن كم
يسوين
عدة ملايين في حضنه من
احضانه
هذا ولو يشرطوا في شرطهن
شرطين
شقه وشبكه تصل بسمه وعنوانه
من يملك المال يدفع شيك
والا اثنين
ماهي بشحره ولا رمشه من
اعيانه
ذي ما معه فوق بقعا منهن
ثنتين
يصبح ويمسي وهو ذي يحسب
اغبانه
والفرق بين الانيقه والبلاء
فرقين
هذه بهذه وهذه وحدها انسانه
هذه تداوي وهذه تحرقك حرقين
هذه تعزك وهذه تدخلك غانه
قارنت قايست وان الفرق
وينك وين
هذه تريحه وهذه تطوي اكفانه
غير الجميلات ذي في الجنه
اتربين
سمرا وزرقا ومزيونه وفنانه
حلين داخل فؤادي كلهن حلين
قلبي دليلي قفا مدلا ببرهانه
هذا وانا مولعي في حب ذي
يسلين
وهاجسي نحوهن ينظم لقيفانه
ولو يولين عن عيني ولو
يبدين
انا ونفسي على فتنه ومفتانه
والله لولا ظروفي قاسيه
والدين
لا اصطاد للصيد واجيبه
من اوطانه
واخلي القلب هو والقلب
يتلاقين
والخل محلا متى اتلقى بخلانه
من هو ذكي يفهم المطموس
بالخطين
يدرك بعقله ويقفل باب شيطانه
يهدين بعض الخبر والبعض
ما يهدين
عواقب النفس حنانه وطنانه
كم يا ملاوي وكم يا لاويات
الوين
ابليس والنفس والدنيا من
اعوانه
ايضا وعاد الهواء في صف
حث يعدين
يشجعينه وهن سمه وعدوانه
هذا وبا افتيك من بكره
لها بكرين
عذراء حسينه وفنانه وفتانه
اثنين يبزينها واثنين بيحبين
تحفه نظيفه وهي قذره ووسخانه
انفس يعيفينها وانفس له
يشتين
وهي لمن حبها شوعه وخوانه
والختم صلوا عدد ما صلوا
البردين
على محمد ذي ربي رفع شانه
............
0 تعليقات