قصيدة الشاعر / محمد علي معدل

يا طير من عندي مكلف شل لي هذا الملف

مرسله للشاعر / حسن سعد الزيادي ..

.............

يا طير من عندي مكلف شل لي هذا الملف

مخصوص في ظرفه مغلف وأنت يا طير أحمله

في بيت ابو ناصر توقف قله الجو أختلف

وجبه الورد المقطف مننا يستاهله

لنه رجل يلقف ويعرف بالمعاني والهدف

بضيف يتشرف ويفهم مخرجه من مدخله

لو له دواء يُعرف عليا الله لو بعت الغرف

مرجع ولا أتخلف لو أديت العماره كامله

يقول معدل ذي على مبدا من أولها وقف

موقف شرف ما الموقف الداني تراء ما نقبله

نغزي مع اول صف ضد الخصم لا شب النكف

ولا نصل حد الطرف نحكم على المخطي وله

اذا رجع وأنصف يلاقي مننا ميزه وشف

ون أرتكب راسه وصنف نطلعه وننزله

محنا مثل من دف لا ما قرحت البوره ولف

غبني على بعض الأوادم يا حسن ما أفسله

لا تحسب الشخص المزيف لو حلف كما حلف

يقسم على المصحف ولا بينه وبين الله صله

ولا تولا أسرف ويسقف لك مفارج من خزف

يحزب ويتمعرف وهو فاقد شروع القبيله

ولا قبض واسعف يبس لقفه ودنا وأعتطف

يخضع ويتلطف ولا يخشا على مستقبله

لنه على هذا تآلف كيف ما غنوا عزف

ياللأسف حبر القلم قد جف وأنويت اقفله

............

زودنا بالقصيدة الاخ جمال معدل