قصيدة الشاعر / علي احمد ابو هويده

من يا جماعه ولا زد شفت مكريب يافع

1 يوليو 2015م موجهة للشاعر الكبير ابو طارق الحصني اليافعي.

.............

من يا جماعه ولا زد شفت مكريب يافع

ايش الاخبار يا ابوطارق اين الجماعه

له حوالي ٣٠يوم غايب وضايع

بعد ما كان جواله نشط كل ساعه

اشهد انه صديق الروح مولى الطبايع

 الوفاء والأخوه معتليه طباعه

والصفات الحميده له ولا له منازع

 والنبي اني اغليته وعندي قناعه

وانت والله يا ابوطارق ان انت رائع

اخ ما خاب من خاواك تهدا ذراعه

تحفظ الجمل وترد الصنايع صنايع

والجماله في امثالك عباده وطاعه

علمك اليوم خبر لامعك علم نافع

من عدن واهلها الابطال ودي سماعه

ودي اتنشد اخبار العند والمواقع

والعند عند من صبّح بكامل متاعه

عند ذي هو على عرضه وارضه مدافع

 او طلع حظ باقي من كفر من خزاعه

آح من شعب للباطل يضلى يلاوع

ما فهم بعد ما شاف الجرع والمجاعه

شعب ابو الف ما همه دمار الجوامع

شعب ما قد عرف من ذي لعب به وباعه

.

شعب عايش بلا واقع معشق وطالع

كلما قلت عيصحصح قلبها دواعه

خاب ظنى من الزيدي وقوم الشوافع

كلهم سيم سمسم من اخص البضاعه

اليمن سايره ما بين شاري وبائع

كل زاجي على قول المثل من كراعه

لا التحالف نفع فينا ولا بند سابع

 والحكومه في الخارج وهادي رباعه

من أمل في صلاح الوضع قد صرت قانع

عطّف الامن ذيما شفت مدت شراعه

..............