حال الشاعر / محمد علي القوسي (ابو صبري )

يا سـاعة الـخير لازم  تـعرضي واطـولي

يوليو 2015م حال عند وصول اهل السواد ضيف عندالشاعر في بني قوس بعروه في عرس (الولد صبري)..

..............

يا سـاعة الـخير لازم  تـعرضي واطـولي

ورحّـبـي واحـفلـي سـاعـات   مـتـواصـله

واسـتقبـلي ضـيفي الـغالي له اسـتقـبلي

واسـتـلـقفي قـوم من غـرب الـحدا واصـله

وواصـلي بالـفـرح بالله لا تـزعـلـي

ضـيفي له الـحـق فـوق الـراس با انـزّلـه

تـجـمّلي فـيه بالله لـجلي اتـجـملي

سـعادتي يـوم جـاني ضـيفي اسـتقبـله

وقـابلي ضـيف واتـولّي لـكمن شـلي

كـلين بـاسمه من آخـر صـفهـم لا اوّلـه

واسـتبـشري في قـدومه كـبري هـللي

بـشارة الـخير من عـالـيه لا سـافـلـه

غـني طـرب بالـنشاما بـلبـلي زومـلي

وزُفـي اجـمل تـحـيات الـعرب كـامله

تـقبّلي واقـبلي وامـلي لـهم مـا يـلي

لا تـجـهلي فـرد مـنهم وانـتي الـعاقـله

ولا تـولّـي ومـا قُـلته لـزوم افـعـلي

تـأمّـلي صـح مـاشي عـذر انـا قـابـله

واتـسلّفي من كـرم حـاتـم ولا تُـبـخـلي

جـودي عـلى طـول لا تـلقي لهم فـاصـله

واتـوسّلي في بـقاهم عـندي اتـوسّـلي

با تـثمـلي من مـلوك الـذوق يا نـاقـله

واهـدي لـهم ورد والـريـحان من مـجولي

من الـبساتـين يامـحـلاه يامـا اجـمـله

يـرحـب عـلى الـعين بانـعطي لـه الـحاصلي

يـعذر عـلى الـقصر وان اوفـيت يـستاهـله

مـرحـب عـدد ما يـخُـط الـحبر في بـركلي

يـملى الـيمن من رمـال الـشرق لا سـاحله

تـرحـيب من لـسن (ابوصـبري محمد علي)

تـرحـيب ما قـد حـصل مـثله ولا مـاثـله

مـرحـب ومـسهل وحـيّـا من وصل مـنزلي

كـرام الايـمان كـلتـهم عـلى شـاكـله

اهـم شي ضـيفي الـوصّال يـبقى سـلي

كـأنـني قـد مـلكـت الـواسـعه كـامـله

ضـيفي لـه الـحق يـدّلّـل عـلينا الـهلي

واحـنا لـه الـجود مـاراد الـهلي نـفـعله

لـكن يـا ضـيف عـندي جُـرح في داخـلي

ما اقـدرت انا اخـفيه واتـناسـاه واتـجـاهله

صـبرت لـكن صـبري قـد زحـم بـاطـلي

إلـي مـتى الـصبر وانـا اتـحـمّل الـواطـله

با اوضّـح الامـر لا بـا اكـذب ولا جـامـلي

من دون تـفـصيل شـامل مـسأله مـسأله

أنـا ومـثلي صـبرنا صـبر لا يُـعقـلي

من جـار مـلعون شـاغلنا جـعل شـاغـله

لـو كـانوا ابـطال نـاهي بس قـوم اثـعلي

ما يـعرفـوا شي حـقيـقة ماهـي الـمرجـله

من كُـرهـهم للـيمن خـلّوه ذي يـشـعلي

ودمّـروا شـعب كـامل مـكتمل باكـملـه

قـد الـنعاج الـسمينه ذي تـراكـب طـلي

الـشاهـد الله قـد هـي آخـر الـمهـزلـه

جـار البلاء لا رحـم جـده طـلع مـصملي

ذي يـكره الـعز لـكن عـاشـق الـبهـذلـه

يـحمل لـنا الـحقد عُـمر الـخامـلي خـاملي

كم ضـخ في الـشعب من جُـرعـاته الـقاتـله

يـشتـي يـحـارب  وراسـه داخـل الـدوبلي

ولا حـسب مـحسب الـخـرجـه من الـداخـلـه

قُـلـوا له ان الـيماني صـعب ما هـو  دلـي

مـا حـد في الأرض يامـهبـول يـتـجاهـله

أنـا يـمـانـي وعـارف ما عـليّـا ولـي

خـيـري لـنفـسي وشـري لـي وانـا قـابله

مـسلـم ولا غـير لا شـيعي ولا حـنـبلي

قـرأت آيـات رب الـناس ذي نـازلـه

كـم قـد نـصحـناه وان الـصومـلي صـوملي

لا مـيّـز  الـفرض والـسـنّه  ولا الـنـافـله

رغـم الـدمار الذي حـاصل لـشعبي ولي

والـشعب صـامد ولم يـتزعـزعـين ارجـلـه

لـكن لا بُـد مـا تُـفـرج بـمـستـقبلي

ويـنـتقـم ذي هـو  الـمفـعول من فـاعـله

بـا تـقلب الـريـح مـوجه في يـد الـفاقـلي

مـهما الـعراقـيل لازم تـوصـل الـقافـله

بـأذن ربـي غـيـوم اللـيل بـا تـنـجـلي

نـهـاية الامـر شُـفـها فـاشـله فـاشـله

خـتامها مـسك خـتمـنا في الـمُـجـملي

على مـحـمد عـدد مـايـقـروا الـبـسمـله

..................