قصيدة الشاعر / لطف احمد صالح البيحاني (أبو رعد)

بو رعد الفتى هامتي مثل الحيد ذي مرتفع

بدع موجه للشاعر قاسم جبران الريوي اليافعي من يافع

.............

  

بو رعد الفتى هامتي مثل الحيد ذي مرتفع

بيحاني ولي كلمتي كم عاصي خضع لي وطاع

وانا من رجال الحدا كل انسان عني سمع

بيحاني قبيلي اصيل متمركز بروس القلاع

شاعر وحدوي هاجسي يملك بحر ما ينقطع

ما هميت عمري بشر يا قاسم بوقت الصراع

ما دمت امتلك موهبه بلقي خصمنا يصترع

بالحاليه مني حلأ والشينه قضا الصاع صاع

بعد الساع يا مرسلي شل الخط مني وطع

امري والصباح اتكل من ارض الوحوش السباع

وصل خط لليافعي من شاعر مثقف بدع

له جمهور حشده كثير يتشرف بشاعر شجاع

خذ مني نصيحه معك والريوي لها يستمع

وحده مالنا غيرها ما داعي لكثر النزاع

يصحاب الحراك الجميع واجب كل حد يقتنع

ان الوحده الغاليه ما والله منها امتناع

والبياع والمشتري والطامع مع من طمع

احذر لا تصدق عميل اومن خان شعبه وباع

واترك كلمة التفرقه مادام الوطن يتسع

والا با يقع تصفيه ضدك في جميع البقاع

ما نقبل بخاين وطن حتى لو وقع ما وقع

والمرتد والمنحرف ماله في بلدنا اتساع

هذا الفصل الاول خرج والثاني عليه اطلع

با ناقش قضايا اليمن كامل من عدن لا رداع

اوضاع اليمن مؤسفه واسعار السلع مرتفع

لا قلنا نزل سعرها زادت كل يوم ارتفاع

والبترول فيه انعدم والكهرب بها منقطع

والعدل اختفاء والرشاء زادت فيه والأمن ضاع

والحوثي حشد قوته جانا لا لليمن مندفع

من ايران جاء دعمهم بالقوات جوا وقاع

واحزاب اليمن كل حد منهم شل لاما شبع

وابنا الشعب من فقرهم يمسو فالشوارع جياع

واكبر عله القاعده كم حادث تنفذ بشع

واستهدف دماء الأبرياء من جيش اليمن والدفاع

في دولة نفاق ارتكز هادي لليمن ما نفع

ما فادت قراراتهم يا قاسم ولا الاجتماع

كلآ همه المصلحه ذا ينزل وهذا طلع

الله لا يبارك لهم اصحاب البطون الوساع

والمظلوم شعب اليمن من كثر المشاكل كلع

شاب الطفل من وضعنا ذي عاده بسن الرضاع

يارب اصلح اوضاعنا بالراي القدي نجتمع

والشعب الابي يلتحم بعد التفرقه والضياع

رغما عن انوف الحسد ذي خلو بلدنا ولع

با تنعم بلاد اليمن يصحاب النفوس الوجاع

هذا لاهنا بكتفي واجزع حيث لطفي جزع

لا تشطح ولا تهتره قدامك شوامخ مناع

واختمها بذكر النبي واصلي على من شفع

طاها خاتم الأنبياء صلوا ع النبي كل ساع

................

قصيدة الشاعر / قاسم محمد جبران الريوي اليافعي 

على قصيدة الشاعر ابو رعد لطف احمد صالح البيحاني (من الحدا)

...........

يالله يا عظيم الرجا يامن بالسماء مرتفع

ياسامع دعا من دعا تسمع دعوتي كل ساع

سالك ياكريم العطاء جنبني طريق الجشع

ثبتني طريق الهدا وجعني لامرك مطاع

قال اليافعي خو علي راسي للبشر ما خضع

راسي هامته بالسماء شامخ كالجبال المناع

ما بحسب لبعض البشر او بحسب حساب الصيع

لني يافعي حميري تاريخه على الارض شاع

لنا اصل للقبيله والباقين ماهل تبع

وحنا اصل ساس البلد هامتنا مدا وارتفاع

ما حد ند لليافعي نجم اليافعي ذي سطع

نجمه فوق كوكب زحل والمريخ جنبه شعاع

اما الان ياهاجسي رحب وابترع لك برع

شف ضيفك من اهل الحدا ياحيا ملان البقاع

واجب نكرمه من وصل حتى بالكرم يقتنع

هذه عادة اليافعي متميز بحسن الطباع

حتى ون ضيفي غلط اوساني امامه نصع

شرع القبيله بعمله والغلطه بها ميت صاع

ماشي لوم يامن سمع باجاوب على من بدع

ذي جاني بلا مدرعه ماهل فوق ضهره رقاع

جاني في لغه دارجه فيها كذب ابدع بدع

ذي رتب لهذا العمل لا يدي رهن به وباع

انته جيت للمحرقه فيها نار قاسم ولع

لنك جيت في سالفه جابه لي عوارض صداع

تستعرض علي بالعضل من قبلك بهذا خدع

كم ياناس ذي واجهو لكن تاه مني وضاع

راسك لا تحطه براس الريوي جعلك صرع

شف من حط راسه معي بكسر مذبحه والنخاع

يابو رعد انا بنصحك من طاوع بنفسه جزع

وانته ما معك مقدره تتحمل مواجع وجاع

هذا فصل اول خرج والثاني وصل ع الوجع

ناشدت الحراك الابي يحسن نيته والطباع

ثوره في جنوب العرب ضد المافيا والطمع

والمحتل ذي منكم حاول ما قدر واستطاع

دولتنا بذات اسمها رايتها بقوه رفع

والوانه لها شانها والنجمه ملاحم سباع

والازرق لشعب الجنوب لم الشمل به واجتمع

اما العاصمه هي عدن قلعه يا لها من قلاع

وحدتكم لكم بينكم لمو شملكم ياضيع

محنا مالنا مصلحه في وحده هدفها الضياع

وحده قد قضي نحبها ماته عظمها قد خسع

العظم اندفن بالترافع اما اللحم كلته ضباع

لا تحلم في المستحيل يابو رعد في ذا اقتنع

وامن بالقضاء والقدر لا تجلس تخادع خداع

للشعب الجنوبي هدف واقسم ع الهدف ما رجع

التحرير لا بدله لن الحق ماقط ضاع

خبر خُبرتك يرحلوا ماشي فايده بالطمع

من ارض الجنوب الابي حان الوقت في الانقلاع

هذا خير واحسن لكم فرصه دام باقي وسع

ولا شوفني مستعد جاهز للبلاء والصراع

واختمها بذكر النبي ما العابد لربه ركع

ذي يشفع لنا يومها نوصل كاشفين القناع

...............