يقول ابو خطاب راس النجدي
5 سبتمبر 2015م.
..........
يقول ابو خطاب راس النجدي
عانقت نجمي والنجم منجومه
خايلت ذي يجدي وذيما يجدي
و ادركت بان افكارنا مغمومه
ماتت مآثرنا ذي اثمر جهدي
وتم مسح الخارطه المرمسومه
سار الرصيد اليوم هو والنقدي
باتت خطى مستقبلي ملغومه
فازو بها جيل انتموا من
بعدي
ذيما ما تجد من درسهم معلومه
ذي عدهم ما كان يوصل عدي
وارقامهم في ذكرهم مذمومه
واليوم يا وقت العياء من
قدي
واعلامهم من حظهم منشومه
مدو وطالوا فوق ما انا
مدي
لا بل من زيد لهم تلقومه
ولا لوحش يا يد طالت يدي
يجعل بنانش بالعطب ملمومه
ولا سامحك ياوقتنا في كدي
ذي جبتها لي ظلمتا مظلومه
ذي لاصفي لي جو مثمر وردي
رديتني لا نود عصفا شومه
وانما تعافى الجسم وعدك
سدي
واني بحمى في الجسد محمومه
والام حده والملامح خدي
يعكس مداخل جوفي المكظومه
انهارت الأعضاء مقابل سردي
وشفرتي من حسرتي مثلومه
والان راضي حومها من بردي
والنفس تستقنع بذي مقسومه
............
قصيدة الشاعر / جميل حسين ابوحوريه
تعقيب ومداخلة على قصيدة الشاعر شداد حسين
العمري .
.............
ابوجمال قال ياصمد يا فردي
اعوذ بك من ويل والا حومه
واستر عيوبي ياعظيم لا
تبدي
لن لا بدت بين الخلايق
شومه
وانا معيا قول قاله جدي
وكل واحد با يجي له يومه
تشد للحمل القريب والبعدي
سوى ولا تحسب قدي محزومه
لاحد ممدد والبواطل تبدي
تفز فزه للعدى مثلومه
وكل من له جهد وانا جهدي
والناس هي وارزاقها مقسومه
جف القلم والحبر ما عاد
يجدي
ما من قدر مهرب ابد محسومه
واقول ياشداد شد الشدي
الحقد ضدي قد بلغ حلقومه
سبحان من جمّع عربها ضدي
غربان والخفاش والا البومه
وابويمن في الطارفه متحدي
لا حدش يحسب عاد ينفع نومه
ومن تجاوز شبر طارف حدي
فالفور بيشوف القدم مقطومه
من الذي مجده يضاهي مجدي
ارض اليمن تاريخها معلومه
وليش لبسنا فالحُزم متهندي
والا الرصاص في شكته مبرومه
ليش التماتيك والسلاح الفردي
والجيد هو معروف داخل قومه
والظلم مهما زاد ما هو
ممدي
يومه قريب والخاتمه مشؤومه
والله عنده علم ما هو عندي
وكل واحد له طريق مرسومه
وقمت اهوجس والقلم في يدي
واتذكر ايام اليمن وعلومه
واتذكر الغشمي ويوم الحمدي
لكل واحد تلم في المتلومه
وعهد عفاش كان احلى عهدي
كانت يمنا بالامان منعومه
لوما الشباب جو بالربيع
الكدي
وكل واحد قال يشتي دومه
وكل واحد قال من ذي قدي
يشوف تونس قال قومه قومه
وأبو حمد قال ما نقص له
بادي
وكل واحد في اليمن بيلومه
ميش داريين ان الهدف مرتدي
وان به زنانير عاد هي مبرومه
والبعض يلبس مثلما الهولندي
واعمالهم تدي عليك السومه
كلوا وعيشوا قال انا ما
بدي
واليوم يشرب كلمن تلقومه
واليوم قد بحر الفتن ممتدي
والفيل حتى ما سلم خرطومه
وعرش بلقيس ما سلم والسدي
وآثار من تاريخنا مهدومه
ابوجمال عد العلامات عدي
لابد نتفائل ولو هي شومه
هذا الزمن صابح زمان المهدي
ما عاد في عهده دول مظلومه
واهدي عطور الورد ثم الندي
والدهر ما تعلوم ساع تعلومه
واحب ياشداد انا اخذ وادي
لا شي قوافي حاليه منظومه
وما تعاقب صيفها والبردي
صلاة ربي للشفيع من حومه
...............
0 تعليقات