قصيدة الشاعر / جميل صالح علي الخالدي

قال ابن خالد شل يا شعب الجرع

9 سبتمبر 2015م.

............

قال ابن خالد شل يا شعب الجرع

جرعة جديده شكلها أخر مديل

مبروك يا شعب الزوامل والبرع

أنصار ربي جوك بالحمل الثقيل

قلنا لهم لا تمسكوا بأهل الجشع

ذي دمروا شعب اليمن في كل جيل

قلنا لهم لا تسمعوا رأي النتع

لا مؤتمر كاذب ولا اصلاحي عميل

قلنا لهم الجيش معكم أندفع

ضد السرق ذي منهم شعبي عليل

قلنا لهم لا تشعلوا فالمجتمع

نار الحرايب وأخمدوا نار الفتيل

قلنا لهم يكفي وصلتو لا برع

لا تدخلوا قيفه ونخله والسحيل

قلنا لهم لكن أسف زاد الطمع

يشتوا يشلوها رضاء والا صميل

قلنا لهم خلوا مجال ومتسع

لغيركم قالوا حرام ومستحيل

قلنا لبو جبريل أحكم قال مع

وقال ما يشتي وزير ولا وكيل

كنا نقول أنتوا دواء كل الوجع

لكن أسف تهتوا علي درب السبيل

كم قد نصحناكم ولكن ما قطع

ولو تجملتوا رعى الله الجميل

لو أنكم يوم مجلس الأمن أجتمع

لضربنا كنتوا تنازلتوا قليل

كان الحصار أنهار والظلم أرتفع

من شعبنا المسكين ذي عانا طويل

قلنا لكم لكن ولا واحد سمع

وكل واحد أدعاء أنه وكيل

مزقتوا الشعب الذي ما قد خضع

بحربكم ذي خلت دمانا تسيل

خليتوا الغازي على أرضي وقع

ولا أنتبهتوا قبل ما الكفه تميل

ما حد يحارب صاحبه لو هو بشع

وفي حدوده حرب تتشاعل شعيل

والله لولا الحرب خلتنا شيع

ما يستذلوا شعبنا أصحاب النخيل

بالله عليكم ما استفدتوا يا تُبع

من حرب ما نعرف سببها والدليل

لا حربكم نفعت ولا منها أنتفع

شعب اليمن ولا أنتفع منها جميل

لا تقنعوني لن عقلي ما اقتنع

مادام والمقتول منا والقتيل

..........