يا قاضي في المحكمه جيتك لي طلب مدُعي
20 يناير 2016مموجهة لشعراء يافع.
........
يا قاضي في المحكمه جيتك لي طلب مدُعي
في صاحب نفعته عُمر وانقذته من الجعجعه
علمته رماة النصع واليوم اخرتها معي
حين اشتد به ساعده لا صدفي حرف مدفعه
شجعته امام العرب خليته يقع يافعي
اغليته وفاخرت به واتجملت عمري معه
لو ما انا وما وحدتي ما اسما نفسه المولعي
اعطينا له الحريه والا كان ما نسمعه
في تسعين تاك السنه اتوحد قناعه معي
عزيته من البهذله واتمرد بصيف اربعه
ضحينا بذي نمتلك من شانه ولا قد وعي
جالس بعد حلم مضى يعمل في عدن زوبعه
قد صرنا عيال الوطن لا زيدي ولا شافعي
ذي شب الفتن بينا اسئل ربنا يخدعه
شيطان اليمن قد رحل لا عود قطعت اصبعي
تباً له وللرافضي ذاك الحوثي الامعه
يا قاضي انا ابن اليمن والوحده قدي مرجعي
لن يعبث بها اعور عدن او شلة بني قيرعه
...........
قصيدة الشاعر / أبو طارق
الحصني
من (يافع) تعقيب على قصيدة الشاعر علي احمد أبو هويده.
.........
قال اليافعي مرحبا لما يمتلي موقعي
حيا بو هويده علي ارض السرو با توسعه
با اكرم له وبا اضيفه قدر الضيف من طابعي
قد هي عادة اجدادنا من حب الوفاء شرعه
هذا الفصل الاول خرج والثاني له يتبعي
لا هو قاع بحر العرب ذاك الحين با ننزعه
شف دعواك ياصاحبي لا تقبل ولا تُسمعي
والمجرم بصنعاء طليق متحصن بمن يتبعه
والجهل القوي والغباء ذي عجاء على القردعي
عاده ذاك ماهل فقط باع السرج بالبرذعه
والتعليم ذي قلت لي من علمت كن واقعي
وانته رقم بالأمية راس القايمه موقعه
رجلك بالربق حانبه لا تشفع ولا تنفعي
قاع الواد وايش اقدرك تنزل منه او تطلعه
يافع دائماً نجمهم في كبد السماء يسطعي
حمير بن سباء جدهم واقياله مع تبعه
دعهم ثم دع شانهم وارقص لك مع الاضرعي
ذي ما تنزله كلمتك ما تقدر بها ترفعه
بالتسعين من طيبتي لا يدك كل ما هو معي
سلمته وياللأسف خنت العهد صيف اربعه
واليوم الجزاء بالعمل يا أف اهبطي واقلعي
دقي واسحقي كل من قم الرافضي شيعه
دام الشرعيه في عدن مالي ظن تقبل دعي
حرف الشين ساس البلاء منه تصدر الزعزعه
والحريه لا صحابها خالص والذي ما يعي
معناها ولا يفهمه من جذريه با نقلعه
وانته يا علي با انصحك شكك باليقين اقطعي
وارجع لك على مهرتك سقه واحرث المزرعه
ترك ذا وذا سيبه لا تبزق ولا ترقعي
عاد الدملي ما بري تحت البزق والمرقعه
اخرها بذكر النبي طه ذي لنا يشفعي
ختمنا وصلوا معي ما شمس الضحى شعشعه
............
زودنا
بالقصيدتين الشاعر علي أبو هويده
0 تعليقات