قصيدة الشاعر / عبد الله محمد زياد

هل شعبنا خاسر معاهم او ربح

أكتوبر 2015م.

..............

لمن نقول اصمت ومن قوله يصح

من منهم يبقى ومن منهم يروح

هل شعبنا خاسر معاهم او ربح

قبل الربيع أو بعد او باقي ينوح

جميعهم بالاسم ما واحد فلح

من ساسهم لا الراس لا فوق السطوح

تجار تتنافس ومنطقها وقح

بالدين والتغيير والجيفه تفوح

والفعل عكس القول والدين السمح

يتنافسوا للكسب والقسمه تلوح

تدمير للدوله ومستقبل مسح

والهم بات اليوم في حق الصبوح

طيلة ثلاثين عام والباطل يدح

واليوم مازلنا نجدد له صروح

سيناريو مرسوم للفوضى طرح

واضح لمن يقراه ما بعده وضوح

سني وشيعي والتطرف يكتسح

في ظاهره حزبي وتحقيق الطموح

تفريق لا تجميع والماضي فتح

عوده لماضي راح من عهد الفتوح

تأويل واستنتاج والمخرج نجح

في جرنا للعنف واشكال النزوح

والشعب من هذا ومن هذا طفح

من داخله مدمي ومن خارج جروح

ما حققوا له حلم والحالم ذٌبح

والخير ما شافه وهو باقي سموح

اولاده اغتالوه والخارج فرح

صابر على ما فيه ما يقدر يبوح

لا جيش في ظهره ولا دوره وضح

مقسوم في نفسه وقادته تسوح

تابع لبعض اشخاص والتعليم قح

يحمي مصالحهم ويأكلها قموح

..............