قصيدة الشاعر / صالح عباد الاحمدي

أبشِّرك يا ســـالم الحال سـالم

من محافظة البيضاء.

............

أبشِّرك يا ســـالم الحال سـالم

بفضل ربــي والنوايـا السليمه

العــمر فسحه والليالي غـنايم

والعافيه يا ســالم اكبر غنيمــه

والنصر حــلم الـكل والكل حالم

والياس في كـل المواقف هزيمه

اهـــل المكارم يزرعون المكارم

واهل الشتايم يحصدون الشتيمه

والعدل ما يــأتي على يد ظالم

وكل ظالم لــه نهايـه وخيمه

ولا غنــى دايم ولا فقــر دايم

والعــز عنوان الحياه الكريمه

والمعرفه سلطان والعقل حاكم

والصبر ميزان العقول الحكيمه

والناس يا ابن الناس جاهل وعالم

هـــذا يهد اسمه وهــذا يقيمه

في نـــاس يتفهَّم وهو غير فاهم

وناس فاهم بس مثل البهيمه

تلقــاه في الدنيا عليها يزاحم

ولا يميِّز صـاحبه من غــريمه

وناس في وجهك يقيم الولايم

وفي غيـــابك ينتفك بالنميمه

وناس في الظاهر مُصلِّي وصايم

والباطنه ما غير ربــي عليمه

وناس لو حامت عليه الحوايم

بأســه شديد وهمِّته والعزيمه

يصون وجهه من سواد اللوايم

ولا يفرِّط في صـــداقه حميمه

وهكذا يا بــوك حــال الآوادم

الآدمي ما هو بجسمه وديمــه

في ناس دايم في حياته مساهم

وناس يا ســالم حياته جــريمه

شتان ما بين الجبــل والتهايم

وفرق بين المثمره والعقيمه

يارب لحيه تنحلق بالـــدراهم

ورب لحيه ما تقـــدَّر بقيمه

                                                         ............

زودنا بالقصيدة الشاعر عبد الله زياد