يقول ابو نصر يا قهراه كم يا بواطل
1979م.
...........
يقول ابو نصر يا قهراه كم يا بواطل
تمضي على شعبنا المسكين واعموا دليله
تلخبط الوضع واصبح بين حابل ونابل
واهل الخداعات ما خلوا لشعبي سبيله
عوامل اسلوبهم في الشعب عده عوامل
واهل العماله تدوّر من مثلها عميله
قد كنت اقول يا الشمال ان انت شاجع وراجل
تنصب على من غزوك الرازيه والكميله
لكن لمه يا اليمن الاخضر جعلك قنابل
ذي موقفك ما تحدد حتى بأية وسيله
لاشي معك دم فأتحرر وناهض وقاتل
عادة الاحرار ما تصبر على الضيم ليله
يا شعب سعليك ما با ينزلين النوازل
العافيه حاصله منهو فتى شد حيله
تذكروا مجد أباكم والجدود الاوائل
عريقه المجد واصحاب السمات الاصيله
ما عاد شي خير في الدوله ولا في القبايل
ما دام قد ذي تحدا الدوله أحقر دويله
با اكيل بالشطر لا ما ينسحين المكايل
والكيل كيل والمصبر ما تساويه كيله
يا اهل القلوب الرقاق المؤمنه بالرسائل
عاد المسافه بعيده والمراحل طويله
أن ما ظننا بأن الشعب واعي وعاقل
ما ندري الا وقد بانت في الشد ميله
تدهور الوضع من وسطه وطالع ونازل
وكل واحد على الثاني مشرق صميله
هذا يقول انه اول من نجح في الاوائل
وذا من الحسد والبغضاء بينكر زميله
اهوين يا شعبنا من ذا الكلام المشايل
ذي ما انتفعنا من الجربه ولا في العبيله
ذي نزرع الحقل لاما الزرع ناجح وحاصل
وجاء له البرد وايبس زرعنا في حقيله
قال الفتى يا القمارى الشاديه والبلابل
نوحي على شعبنا كله قبيله قبيله
صارت عليك الغراره وانت ياشعب غافل
وراعي البل ضيعها وصارت هميله
مدري متى يا بلادي با تحل المشاكل
كلين يفهم بما عنده ويعرف بذي له
انا اعهد أن الشمال فيه الرجال البواسل
والارض عدله وهو في الكف عدله ثقيله
اثار ما يعرف المأكل ولا كيف يأكل
ولا عرف من هم أعدائه ومن هو كفيله
لا جاته السيئه منهم حسبها جمايل
وصاحب الجمل ما حد ذي يقدر جميله
قد ارتبش صفنا بالسم خارج وداخل
قلدني الله ان قد موته احسن فضيله
مادام وافعالكم يا قوم هذه الفعايل
واسلوبكم بالخداعه والامور الرذيله
يقول ابو نصر قد فيني وجع في المفاصل
حطم عليا الفواكر وهاجسي والحليله
خشوي على الشعب واهله لا يروحوا نهايل
محتار والله أنا محتار سمره وقيله
وكنت من قبل ما تعجبني الا الزوامل
ما اليوم ما عاد اقول الا الحروف القليله
وانا اشهد اني أقدر كل من هو مناضل
مخلص لهذا الوطن يؤمن بتربه وجيله
تخللتنا القضايا واصبح الشور عاطل
واليوم الاحوال من بعض القضايا عطيله
يا سيل سيلاه من راس االجبل والسوايل
يا اهل الحقول الضوامي جاكم الله بسيله
بدعه براكين تتفجر وعقبه زلازل
واخشى الكوارث تقع من حاشده لا بكيله
وبا تعم المصايب كافه الشعب طايل
بكل شطريه لاما هي تبنشر عجيله
مادام واحنا نمد ايداتنا للمناول
فها هنا الذل يا ويح القلوب الذليله
هذا وبه في فوادي كابلات الكوابل
لكن با استن لا ما الشعب يشفي غليله
صلوا على من أتى بالبينه والدلائل
محمد المصطفى مولى الصفات الجميله
............
زودنا بالقصيدة صدام محمد الغرسي
0 تعليقات