حاولوهم يا القرون الدواحش
في عرس علي بن علي وردمان ناصر علي البيضي
(مارب) بتاريخ 26 سبتمبر 2013م.
.............
حاولوهم يا القرون الدواحش
يا الله اكفانا الخطاء
والخدوش
قلت وانا عبد غلمة جشايش
صانكم ربي جميع الدهوش
اسقني يا ناصر الحال عاطش
يا سلامي ما تشن الطشوش
يا مدينه لا قد الضيف بابش
فتشوه أولاد عمش واخوش
لا تخافينا ولا احنا نخافش
اش عيهدى فيش يا حيد اخوش
كلها ساعات ونقل برايش
في معية ناس ما يعرفوش
خيرة ايامش وزهرة شبابش
استغلوها كبار الكروش
فيش طيب العين حسن التعايش
فيش مأوى للعرب والحبوش
والثقافه قايمه في مقامش
قبل يغزيش الفضاء بالدشوش
والسياحه هايمه في جمالش
الشفايف والوجن والرموش
والمهابه ساجده في رحابش
يوم أبو ناصر بضيفه بشوش
والسياسه بالدم اروت رمالش
عندما اتوالى سقوط العروش
ما يفيدش قولت اهلش فداء
لش
المقابر فاقده للنعوش
ثم اما بعد ردي حجابش
من عيون البدو لا يمرعوش
جاش من بينون شمر يهرعش
واسعد الكامل يخط النقوش
من جشايش فوق رقت عوايش
جيت في شف الصهور الحموش
نهدي اطيب عطر من بنقلادش
فرغ المينا وهات الونوش
واهدي الريحان والورد فاتش
قاطره فلفو وحبه بروش
بالهديا شيد اثنين مغاوش
وارغد اثواب الحراوه رشوش
بعد هذا الحال اقل كيف
حالش
ياهواجس ساكنه في المشوش
..............
0 تعليقات