يا زين يا زين يا نيني
26 مايو 2016م.
..............
يا زين يا زين يا نيني
يا دنيتي يا نظر عيني
يا اجمل مزاهر بساتيني
يا راحتي يا اجمل اسنيني
انتي حياتي وكل الروح
وانتي دواء قلبي المجروح
وانتي كلام القصيد والبوح
وانتي عناوين دواويني
قد صرت مجنون في حبك
هايم وقلبي مولع بك
كل الرجاء و المنى قربك
قربك فقط ذي بيسليني
اسرتي القلب والانفاس
والفكر والعقل والاحساس
انتي فقط بين كل الناس
ذي من حلاها سحرتيني
كم شفت يازين من قبلك
وكم لقيت ناس تشبه لك
لكن حرام ما رأيت مثلك
في حسنها يا نظر عيني
انتي قمر فالسماء العالي
وانتي غلا روحي الغالي
وانتي حلا كل شي حالي
مامثلك انسان يغنيني
سبحان من صورك سبحان
فصل وركب بكل اتقان
انتي ملاك صدق ولا انسان
ذي منع ابوش كان حاكيني
ان قلت فيك ابتدآ وصفي
يذوب من حسنكم حرفي
كيف اوصفك كيف ياخوفي
لاشي قصر لا تلوميني
اتخيل الانف والعينين
والعنق والصدر والنهدين
والخصر والبطن والكفين
لاما يغيب من حلاك وعيي
الانف مثل الالف والفم
محمور وفي داخل المبسم
عسل تمنيت وانا اطعم
من شهدك العذب تسقيني
في الصدر يا فاتني راحه
واجمل فواكه على الساحه
مشمش ورمان وتفاحه
ياليت في الصدر ترميني
..........
0 تعليقات