قصيدة الشاعر / صلاح محمد النميري

يا نايفه ما عاد باليد حيله

2015م.

..............

يا نايفه ما عاد باليد حيله

وش حليتي وانا على الهجر مغصوب

الوقت قاسي والليالي محيله

وايام يشكي منها كل محبوب

والشوق ماني قادر اخلي سبيله

ليت الهوى يخلي سبيلي وانا اتوب

اتوب واحنا كلنا من قبيله

يا نايفه هذا مقدر ومكتوب

أعيش عيشه كنها مستحيله

لا قفلت دوني ولا فكت البوب

واقضي حياتي ف الدروب الطويله

من بعدها كني على النار محطوب

تعبت ما حصلت حتى وسيله

الجا لها واذوّب البعد واذوب

وانتي حملتي كبرياء الجليله

وانا حملت هموم واحزان يعقوب

ان كان دربي شمعتك ما تضيله

يا ناهبي رديت لي كل منهوب

وان مقصده بالهجر يشفي غليله

حسبي عليه الله يا صبر أيوب

الصبر من سيما الرجال الاصيله

والصبر حكمه لكن العمر محسوب

انا خجلت اخاصمه واشتكي له

ما غير شفت الناس غالب ومغلوب

جيتك غلا وعين من سلسبيله

جيتك دواء وجيتني جرح معطوب

جيتك وفا ما جيتلك بالرذيله

لا والله الا كل واحد له أسلوب

لو تعرف اسلوب السنين الهزيله

ما لذ لك يا عاطش القلب مشروب

ما ظنها تبقى الجميله جميله

ولا تبقي كل معيوب معيوب

.............