حال الشاعر / عبد الرزاق احمد الكميم

مش حلم يا خبره ولا فزوره

12 مايو 2016م بمناسبة زفاف 11 غريس في قرية شمسان الثجاف.

...............

مش حلم يا خبره ولا فزوره

هذي الحقيقه ذي رآها الشاعر

رأى حدعشر كوكبا في الصوره

ياسين عليهم من عيون الناظر

وانا فدا للطله المذكوره

منوره مثل الصباح الباكر

والارض خضراء طيبه ممطوره

والوضع في شمسان ايضا سابر

والناس جمعه فارحه مسروره

وعندكم غلمه تسر الخاطر

متعاونين كلا يودي دوره

شكرا على التنظيم يابو ياسر

قد منطقتنا اصبحت اسطوره

ما ينكر الا الشخص ذي بيكابر

متفوقين حتى بلعب الكوره

وغيرنا ترتيبهم في الاخر

مهما اختلفنا ما نصل لا البوره

ما قالوا اهل العرف قلنا حاضر

كم يا صور في الذاكره محفوره

احنا اتحدنا في الزمان الغابر

الفصل والاستاذ والسبوره

ونعرف اين الطبلي والشاطر

والله ما يلقى العصى مكسوره

من جاء يفرق بيننا ويغامر

مهما يحاول خطته مدحوره

والله مع الشخص الحليم الصابر

اما المنافق قد فعل له سوره

ومنزله من تحت تحت الكافر

شمسان يا ذي بالوفاء مشهوره

والجود هانا كابرا عن كابر

يا اصحابنا وانسابنا والجوره

نحبكم من قلب باطن ظاهر

لو يفعلوا 75 ثوره

ما يحقد الا الشخص ذي هو فاتر

الآن صح ان البلد مضروره

وللأسف شعب اليمن متناحر

واوضاعنا صح اصبحت مجغوره

وكل واحد قد لطم في الصابر

والثوره الان اصبحت جعفوره

ما زد عرفنا ثورها والثاير

لكن على ما قالت العصفوره

مادام عاد الله ذي هو ساتر

الخير قادم واليمن منصوره

بفضل مولانا القوي القادر

..............

زامل الشاعر / عبد الرزاق الكميم

12 مايو 2016م بمناسبة زفاف 11 غريس في قرية شمسان الثجاف.

............

سلام يا ذي تكرموا في كل وافد

وتعرفوا حق الجوار

لا شي عواجه تحكموها بالقواعد

من اجل تصحيح المسار

...........

زودنا بالحال والزامل الشاعر عبد الاله الدغري