قصيدة الشاعر / عبد الفتاح ناصر الزُبيدي (أبو ليث)

قال الزُبيدي لا بدعت القصيده

25 ابريل 2016م.

........

قال الزُبيدي لا بدعت القصيده

ابدع بربعي لابتي تاج راسي

سبأ وحمير ذو رعين العنيده

تاريخها في كل فصلا دراسي

يا ريمي اتنهجر بلحنك وعيده

صوتك يهيجني ويلهب حماسي

هدهد سبأ حلق بجو السعيده

وانقل تحياتي لداري وناسي

صنعا الحبيبه جوهرتنا الفريده

مكانها خلف الضلوع اللواسي

عدن عروستنا بحله جديده

يا نبض خفاقي وسادس حواسي

ومن شواطي حوف حتى الحديده

وحده عليها راح كم من نماسي

ومن نوى بالشر نقطع وريده

واحنا حماتك يا الجبال الرواسي

احنا سلاحك بالمهام الشديده

العز درعي والكرامه لباسي

على بلادي عيني امست سهيده

باعوه من اجل الرتب والكراسي

من باع عرضه والوطن والعقيده

ملعون جده لو هو اكبر سياسي

رغم المشاكل والظروف والمكيده

لا قوتي هانت ولا لان باسي

امجاد تبع والحضاره التليده

با نستعيده رغم جور المآسي

شعب اليمن معروف جده وسيده

تاريخ ناصع مثل ضوء الشماسي

وصفني الباري بآيه مجيده

إني اولو قوه وصعب المراسي

...........