قصيدة الشاعر / عزام محمد الفلاحي

توكلنا على الله يا قلم فاضت براكيله

بتاريخ 20 يونيو 2016م بدع مرسلة الى الشاعر حامد غشيم الشارحي.

..........

توكلنا على الله يا قلم فاضت براكيله

تجهز وحكم المغطا وكيل اقوال شعري كيل

على الهاجس يملي وانت سجل لي اقاويله

نضح راسي وخلاني مولع ما رقدت الليل

انا لا قد حضر شعري ميه عام كود انا اكيله

ولا اتخليت عنه بس لحظه سال فيني سيل

برغم اني صغير السن ما اعرف فالقصيد ميله

ملكت الشعر من فطنه شعوري كيف انا باميل

تحملت الثقل ثقلين واكسل قبلما اشيله

ولكن بأذن ربي شلت ذيهو مستحيل الشيل

يجيني هاجسي فارس محنك ممتطي خيله

ولا فارس سمي فارس ومايعرف ركوب الخيل

يصب الشعر لا راسي ويجبرني بترتيله

وانا بالغصب ارتلهن بما قد قال بالتفصيل

امرني اقطب الموضوع واتحرى بتعجيله

باقرب وقت يترسل الى حامد غشيم ترسيل

لأنه في القصايد بحر با يوفيك وتوفي له

ويكرم ضيفه الواصل على لحم الكباش والعيل

كريم الاصل من بيته يجي جاهز بتفعيله

وذي هو نذل يبقى نذل لو يفعل مية تفعيل

اخو عادل يقول افتيك من شي فاقد ارجيله

ويسعى لا تحاقيق الحلم لكن بدون ارجيل

يخيل الوضع يمشي حسب ما نفسه بتوحي له

مثيل اللي كذب كذبه وصدقها بكل الحيل

تغيب الشمس في غفله حسبها من تخاييله

ويبزغ فجرها التالي وهو لا زال عنده قيل

ولا قد تم قيله سار يستعطي جنى ليله

ويرقد في نهار ابيض ويستكمل منام الليل

وواصل بعضنا يلعب على عوده وتطبيله

باسم الفقر يا مسكين لاما ذوقونا الويل

رقدنا والسهر شدي على شعب اليمن ذيله

وذي ما قد رقد ليله يرابض له مع ابو ذيل

دراسه واضحة ذي جابها نعرف تفاصيله

ولا هو شخص متعلم ولا هو يعتبر زنبيل

شرحها حسب ما جاته وزد قدم تعاليله

رقمها اثنعش تتحاكا عن امريكا واسرائيل

في الامريك تهديده ولو تعرف محاصيله

على الام الحزينه شفت كم كان ذلك التحصيل

حنينه شعب كم يشكي من الاهات ياويله

ذي اتحمل بظلمه بايذوق ذي ذاقو اهل الفيل

يروح الفاسد الاول وقد به من مراعيله

قدو جاهز ومتجهز بطقمه يطرح البرميل

بحثنا للعيون مكحل اتانا اعمى بتكحيله

دخل كحل لها العينين لاما اتناكعين بالميل

..............

قصيدة الشاعر / حامد غشيم الشارحي

جواب على قصيدة الشاعر عزام محمد الفلاحي.

............

يقول حامد غُشيم اليوم با تعبر اساطيله

ونهر الشعر من غزره يوزع للفرات والنيل

انا لا اسريت والهاجس نهد الجهل ونزيله

ويوجد حرفي الموزون فن العرض والتمثيل

يجي لي هاجسي لا احتجت وانما جاء ولا اجيله

ونمشي فوق حد السيف يتبعنا مسير الجيل

شربت الشعر مثل البن والمعنى القوي هيله

ويخرج من ينابيعي عذيب القافية ويسيل

اجي ساعي على الداعي ولا اقصر له ولا اطيله

ومهما يكبر المجموع فالموضوع له تأويل

وحان اليوم اشكل رد واتعنى لتشكيله

بلا تحويل او تبديل تبقى ذلك التشكيل

هلا بالطيب الغالي ذي الجودة محاصيله

اخو عادل رجل فاضل وله في داخلي تفضيل

مقره داخلي ثابت ولا يخضع لتبديله

وله قيمة عظيمة مثلما شمخ كنن واسبيل

رصين العقل والمنطق وقد خلد تماثيله

ويستعطي ويستوطي ويتواضع وله تبجيل

وأي انسان خاواني عليا فرض اخاوي له

ولا ارسل قول جاوبته مع التوضيح والتفصيل

ولكن قد كتب لي لغز واتحرى تحاليله

وشعري بحر ما ينشف ولا يعجز عن التحليل

رضع حرفي من الابداع ويزخرف مراسيله

دومن رسل اليا حرف اجاوب الف بالتسهيل

أسف يا صاح لغزك قد حصر عزك وتبجيله

ولا شفت الصديق أخطأ عليا واجب التعديل

حذاري قل لمن يفتيك لايفرح بتضليله

لأن المنهج الزيدي يصد الزيف والتضليل

ومن قال انه اثنعشر قد اتحمل بتنكيله

لأنه يدعينا زور والبرهان قالت قيل

اكيد ان انت تعرفني فقلي ماهي الحيلة

هل انته شفتني شيعي وبه تحويل او تبديل

مسك في حلقنا الدجال ولا وضح بتعليله

جوير السوء ذي اتكبر وهاجمنا بلا تعليل

قري آية فالتورات واستكمل في انجيله

ترك ما جاء في القران وادبر في الانجيل

اتانا الابرهه سلمان وجيشه متبع فيله

على ايدنا بإذن الله نكرر يوم عام الفيل

لأن احنا جنود الله واحنا طير ابابيله

مع قايد مسيرتنا كريم الطبع ابو جبريل

أذا نادى صفير الحرب يطربنا مواويله

نكبل من يعادينا في اصفاد الطغاه تكبيل

نبكي كل متغطرس لحتى انها مناديله

ونمطر من بنادقنا رصاص كحجار من سجيل

بعزة نستكيل العز بالمكيال ونكيله

ومن يبغا يخاوينا فيرحب يستكيل ويكيل

............

زودنا بالقصيدتين الشاعر عزام الفلاحي