لا تهيج لي شجوني او تذكرني هموم
26 مايو 2016م.
..........
لا تهيج لي شجوني او تذكرني هموم
قلت با انسى وانت جاييني تهيج لي شجوني
اترك اشجاني وهمي واترك اللايم يلوم
لا تذكرني طعوني وارجع اشكي من طعوني
يكفي اشرح لك علومي وانتظر منك علوم
واشتكي من طول بالك وانت تشكي من جنوني
يكفي ادخل في شواطي بحرك الهايج واعوم
وإن غرقت وقدر الله كل شي لجلك يهوني
وإن تجنبت الغرق وجيت من فوق الغيوم
اعتبرني جيت ارد الدين وانت اثقل ديوني
جيت مخطي وانت قاضي وانت الد الخصوم
وانت قربي وانت بعدي وانت مالي والبنوني
شفت حبك ف السماء بين الثريا والنجوم
قلت أبا اعرف كيف قلبك ف الهوى عايش بدوني
جيت با احيا فيك واهلك واعشقك واسهر ونوم
جيت اضممك واجمعك وابعثرك داخل عيوني
وانت ما حاسبت نفسك اؤ تحس انك ظلوم
قلت اه يا طول بالك واه لو خابت ظنوني
اه لو خابت ظنوني بين ليل وبين يوم
با اقلب الدنيا على راسك وتمنعني حصوني
احذر استغلال حبي والجفاء ماله لزوم
والتمادي والتجاهل والتدخل في شؤني
ودي اعرف كلما جهزت نفسي للقدوم
قمت تتعذر وترسلي رسايل يعذروني
لا تحسبني مغفل وتحسب اعذارك تدوم
لا تراني عفت من حولي على شان اهملوني
واقدر اتغير بطبعي طين ما الجالس يقوم
ولو قسي قلبي عليك من يرده لك حنوني
با استفزك واهجرك وانساك واصلي واصوم
وادعي الله لا يسلط لي بمن لا يرحموني
...........
0 تعليقات