زامل الشاعر / علي ناصر علي سعد البخيتي أبو مفتاح

يا حصن قاسي قل صالح داغيه مسرع نسي

قاله بلسن الأخ علي ناصر قايد البخيتي يخاطب به الشاعر صالح عامر البخيتي.

..........

يا حصن قاسي قل لصالح داغيه مسرع نسي
لا زال راسي فوق راسه دايم الوقت الطويل

ما با ينقص من مقاسي بالكلام الباخسي
مفتاح والقوسي سلاطين الحدا ذي في بكيل

.........
زامل الشاعر / صالح عامر البخيتي

14 أغسطس 2016م جواب على زامل الشاعر أبو مفتاح البخيتي.

...........

الداغيه عيسي بخيتي للحدا راس أروسي
لا نافسه قوسي ومفتاحي ولا قوم الحبيل

موزا الرباعه من بلاد أحور ونبعه واللسي
عيسي مراغه مقدم الحديان في اليوم الكليل

وممن المختاف في شمس الضحى والا أغلسي
درع الحدا القبلي حزام الطارفه يابن خليل

محنا مثل قوم المقاطب والشنط تتملسي
قصه وتسريحه وحمره للبناوت والعويل

وإحنا لحانا والقعاش السود كلن مكتسي
مثل الصحابه سنه المختار نعمل بالدليل

قلوا لبو مفتاح يقرأ للكتاب المدرسي
يقرأ رقوم أجداد مرفد تروي القلب العليل

جدي رقم عود النقاء شدد قطير الآنسي
وأرضاك من دمه وماله مثلما عمرو الطفيل

الخال ضوراني مداسي دس دين الفارسي
علي ولد ناصر وقايد قد غزلتوها غزيل

سبقتوا الحوثي في المتعه بلس يا بالسي
في شرعكم إثنين للراجع زواجه بالصميل

حافي ومسعودي ومنصوري برانا يابسي
من ذي فرض دين الخميني نلعنه جيلا بجيل

حميك أبو مفتاح تتطاول على ضرس أضرسي
وأنا لك أبقا لك من أصحاب الملازم والعميل

.............
زودنا بالزاملين الشاعر صالح عامر البخيتي

إرسال تعليق

0 تعليقات