قصيدة الشاعر / توفيق ناصر الكوماني (أبو ريان)

وارسل ابيات للعطوي ولـ احمد عميسي

أغسطس 2016م بدع موجه للشاعرين شايف العطوي واحمد العميسي أبو خيرالله.

............

صب يا قهوجي من دلتك صب لي كـاس

زيد الشاي لـو تسمـح وزيـد المـريسـي

ودي اضرب ثلاثه ارباع في خمسه اسداس

وارسل ابيات للعطوي ولـ احمد عميسي

كـم من ابيات توصلني عجينـه ورفـاس

بس ما ابياتكم تسـوى ابـن زايـد وسيـسـي

لا اردمت في سماء ثوبان تمطر ف الاعماس

عنـزكـم مـا تسـاوي شيء قدام تيـسـي

اسرحوا وامرحوا ف الشعر يا صاح لا باس

بس هاجوس ابو ريـان مركـز رئيـسـي

غوصـوا البحر يا شـايـف ودوسـوه دواس

بس في حظرتي لا تزنطوا زنط حيسـي

ارفع اعلام انـا وانـكـس اعـلام نكـاس

جزء مـن قـاذفاتـي قد وصـل للقبيسـي

وانتم اثنينكـم مرداس فـي وجـه مـرداس

صدق يشهد لكم حبل الفلاحي وعيسي

بس قــدام ابو ريـان لا خـرّج الفأس

ترجعوا سـع ريال مدريد قـدام ميـسـي

دندنت لي امـل كعـدل وسالـم وعطـاس

واعـلـنـوا بالــقــوافـي فـي قنـاة M B C

.........

قصيدة الشاعر / شايف العطوي الثوباني

جواب على قصيدة الشاعر أبو ريان الكوماني

..........

هات حبلي ودلوي با اخرج الدر والماس

قبل ما حد يقيس صادراته بقيسي

لان صرح الادب ما يقطع الا بمقياس

والمفاتيح عندي والبلاغه  سويسي

فوق هذا وهذا هاجس البدو حساس

لا سبح فاللغه  جاته غرابيل نيسي

يفتخر بالثمينه طلته تفرح الناس

وان غيّب لعب دور الحضور الرئيسي

طابع الكبتنه مختوم فالساس والراس

شهد من شهد لا سكر ولا هو مريسي

...........

قصيدة الشاعر / أبو خير الله العميسي

جواب على قصيدة الشاعر أبو ريان الكوماني.

...........

روح الليل يا ساري في القلب هوجاس

قوم با تأكل الجزله ذياب الغليسي

لا تأخر بسرعه جيب بركل وكراس

من قطع قاس وانا لازم أقطع بقيسي

قال أبو خير قد ربي قلب نية الناس

أختلف عن مباديه النسي والوهيسي

والصحب طاحت أسنانه ونابه والأضراس

إفقل الحب نضف جعدبه والقليسي

راح سعر النحاسه مثلما سعر للماس

والله أحترت واجد كيف أسوي نفيسي

والسنين الضواري أنتجت كل هلاس

يا بلاد السعيده شي مع العقل أميسي

عالجي لوسمحتي معضلة شبل الأعماس

واسكبي من شراب الحريه لا طويسي

كيف ما كان فانا عارف الوضع حساس

شايفه في عيون اليأس عميا طسيسي

أشعل القلب ناره حومها حوم لهاس

وأنت يا غزي إدخل في حماها اللهيسي

هاتلي حل طازج ياعسل روس الامواس

في تغاريزك الشومه حنب مرسديسي

.............

زودنا بالقصائد الشاعر أبو ريان الغزي