يماه انتي ذي لدايا دوايا
7 أغسطس 2016م.
.............
يماه انتي ذي لدايا دوايا
وانتي طبيبي لا اصبح القلب
تعبان
وانتي حياتي بل وكامل منايا
وكل ما اريده رضاش طول
الازمان
انسى همومي وقت اشوفش معايا
واذا بعيدة تجتمع كل الاحزان
في ضحكتش يانور عيني دوايا
اذا ابتسمتي طرت من دون
جنحان
ما حد سواش يمه تحمل خطايا
وحاول اسعادي ولو كنت غلطان
ما حد اخذ كامل همومي سرايا
غيرك وخلاني في العيش فرحان
ما حد جعل همه سواتش سلايا
يا اغلا بشر حبيت يا نور
الاعيان
حبش بيجري في جميع الخلايا
مثل الدماء ويمرر من كل
شريان
اهواش احبش غير حب الصبايا
وغير ما مابيحب عشاق وخلان
انتي هواش مخصوص داخل سوايا
ما يوصله مخلوق لو كان
من كان
انتي سلا عمري وانتي هوايا
وانتي سراج البيت يا بدر
شعبان
انتي المياة اللي بتروي
ضمايا
وانتي الحياة ذي ماتقدر
بالاثمان
انتي هي احلامي وانتي منايا
ماحلمي اصبح شخص حاكم وسلطان
مادام وانتي يا حياتي معايا
فانا سعيد الحظ وانا اسعد
انسان
اسأل من الله يحفظش ياضنايا
ويحرسش من كل موذي وشيطان
ادعيه واترجاه يسمع دعايا
هو يسمع المضطر وهو رب
رحمان
وختمها صليت وانتو معايا
على النبي المبعوث من نسل
عدنان
............
0 تعليقات