اهيم واسبح في صحارى ورمله
ابريل 2016م.
...........
اهيم واسبح في صحارى ورمله
واجمع هموم الناس واشيلها
شيل
وانحت على الصخره مقلات
جمله
اما وفاء ولا جفاء يقطع
الحيل
اما غزل من شعر عنتر لعبله
ولا هجا يا ويل من صادته
ويل
واسقي مزارع بالمحبه مظله
ومن دموع اهل الهوى ينزل
السيل
واقطف من البستان ورده
وفله
واباشر العشاق بالبن والهيل
بأبيات البسها من العز
بدله
متلألئه بيضاء مضيئة في
الليل
احرف صداها يملا الكون
كله
متعجرفه برجحة الوزن والكيل
متمرده روس الجبال المطله
كني على العذال طيرن ابابيل
من حسنها تغمز لها كل مقله
يهوى غزلها من هوى ركبت
الخيل
اسري بها مع طلوع الأهله
متخفيه من تهمة القال والقيل
مغامره في درب ما تستدله
بين الوصال وبين قطع المواصيل
يمكن تصل اذا الأمل مد
حبله
واذا انقطع تغزي قلوب الرجاجيل
ومن غزت قلبه وهمت بقتله
ترجع تغني بعد موته مواويل
تبكي على الماضي وتطوي
سجله
بنوحها على قبور المقاتيل
هي عاشقه وعشقها تستغله
بحلو منطقها وكثر المراسيل
وانا الذي في حبها زاغ
عقله
واحد من اصحاب القلوب المعاليل
والليل يدعس جوهرتها بنعله
يعيبها عيب السفن والاساطيل
انا وهي والليل اذا مد
ظله
الليل وهي وانا الثلاثه
مهابيل
............
0 تعليقات