مش مشكله لو تظلي قاذفات القنابل
24 أكتوبر 2016م.
..............
مش مشكله لو تظلي قاذفات
القنابل
محلقه في السماء
مش مشكله في وجود الحرب
حول المنازل
ببردها والحمى
المشكله ذي مشاكلها سبب
للمشاكل
وذي عماها عمى
حن تفتح الباب والطاهوش
في البيت داخل
قد استباح الدماء
الفقر بيمثل الموت البطي
للعوايل
والتنمية والنماء
ترجع من السوق ما ترجع
بشي للجواهل
يا خزوتك والقما
الاحتياجات موجوده ملان البقايل
تسيل عذب اللما
وتوصل البيت ما تبده على
لجع حاصل
ومشكله عندما
تلاحظ الناس وتشوف انعدام
التكافل
حتى بخبزه وماء
القل معواز يآل البيت والجوع
قاتل
لا تحسبونا دُما
احنا بشر والبشر محتاج
يشرب ويأكل
في اي شعب انتما
ما قامت الثوره الا فوق
هذي العوامل
والان قد ربما
ما دام وان المرض والجهل
والفقر شامل
يحوم حول الحمى
با اخرج على وضعي الصامت
بعدة رسايل
ومن رماني رمى
الرد مكفول والسكته على
الحق باطل
ما حد بذل احتمى
مقتول في مورد الماء واعتباري
مناضل
ولا قتيل الظمى
............
0 تعليقات