لا تزعلي وتحاسبيني بالخطايا والزلل
1 يناير 2017م.
............
لا تزعلي وتحاسبيني
بالخطايا والزلل
مصايب الدنيا تراكم
فوق راسي ظلها
وانتي معي باقي أمل لا
تقتلي هذا الأمل
وباقي انتي في الحياه ابكي
لها واضحك لها
مادام حبيتك وحبك حل
في قلبي وضل
لا تجهلين العاقله
مثلك تحكم عقلها
لمي شتاتي واجمعيني
بعد كل الي حصل
الي حصل كلي مشاكل
دوري لي حلها
تايه لقيتيني وانا
راكب على امواج الفشل
مطعون من خنجر حياة
اليأس يلعن شكلها
جيتك جريح جيتك طريح
جيتك بما لا يحتمل
في عاصفه موجاتها
متلاطمه لا بلها
وانتي وقفتي لي بوجه
العاصفه مثل الجبل
يعني بنيتي لي حياه
اعيش وأحيا لجلها
انا اعترف لكني جازيتك
على نفس العمل
انا طرحتك في مكانه
عاليه ما مثلها
..............
0 تعليقات