قصيدة الشاعر / عزام محمد الفلاحي

ثورة مشاعر في ضلوعي قامت البارح كما

30 يناير 2017م.

..............

ثورة مشاعر في ضلوعي قامت البارح كما

قامت على حكم الإمامه ثورة السبتمبري

وشكلت زحمه هجيج الشعر ذي بي والقما

فوضة قوافي نارها تشعل بمجمع دفتري

الشعر نادى والجزاله حرفها البارق لما

وفاض من نبع البلاغه وسطها المعنى الثري

اتفجرت من ضيقتي برد المشاعر والحمى

وزلزلت صرح الثقافه من بلاغه مصدري

شاهدت انا الدخان والنيران تطلع لا السماء

وقرحة الشيكي تلاقيها رصاص الجيتري

اوحي جنان الشعر يتزايد بطلقات الرُما

ويهج بركان الغضب ما بين قلبي والمري

بنات فكري وزعت داخل شرايين الدماء

ناري وبركاني وناري لا نشب ما يبتري

تهيج في جوفي وتحرقني وما تطفى بماء

يعني معارك طاحنه صارت ولا مخلوق دري

الا انا با اشوف في نفسي حممها والظماء

واشعل كما النيران والقي جمرها في محجري

مما اشوفه في بلادي من بلا باطل وما

حرك كثير الناس ساكن او تكلم او جري

لا لن يطيل الصبر بعد الان اكثر طالما

قد زاد صبري عن حدوده إني اللحظه بري

يا ايه التاريخ سجل عندك اسمي ذي نما

بالشعر وازهر في بساتين البلاغه واثمري

هذا المقال اللي كتبته وثقة واسمع لما

قلته وانا شاعر وبالاشعار صدقي محتري

في شعبنا ذي لا رأى الباطل تخبا واحتمى

وعاش بين الذل واتقبل بظلم المفتري

شعب الكرامه والكرامه منه ابعد لا السماء

وحكمته ما شفت منها شي يوازن لظفري

ايش من كرامه والجماعه تشتغل شغل العمى

وايش من شجاعه وانت مفجوع في مكانك معتري

كمن دني يا خذ حقوقك شل لحمك والدماء

وأنت ميت جوع تتمنى حلا لقمه طري

بياكلوك بالغصب وانته موت والا اسلما

احرق بنارك موت يا رخص من نحاس المعبري

يلعن ابو هادي مع الحوثي وصالح مثلما

لعنوا بني اسرائيل والكفار دايم واكثري

ويلعن علي محسن ويلعن من اليهم انتماء

وبنت كرمان والتحالف هم وبيت الاحمري

هم البلاء والداء والعله وهم كل العمى

هم الضرر والشر هم جرح الوطن يا ناظري

هم الغلاء والجوع والافلاس سفاكين دما

هم الحزن والبؤس والتشريد لاحد ينكري

اما تبايعهم والا شربوك سم ارقما

تعيش مثل القط ولا عيش مثل الشوصري

ما همهم يا شعب موت جوعان ولا بالظماء

ولا في الجبهات ولا في المدن ولا القري

اهم شي انك تموت متى لهذا تفهما

يلعن ابو من عاش خاضع ما تكلم او جري

الى متى با تجلسوا في الهم هذا والغما

الى متى با يدعسك يا شعب كمن سمسري

تستاهلوا هذا المجاعه بل واكثر واعظما

يا اخس وافتر شعب عايش في المذله معتري

قد نصكم مجنون في الشارع مبهذل يرحما

والنص الاخر لا سلم عقله فعقله ما دري

الحل في يدك اذا ياشعب ودك تسلما

ولا عليا العار لا تجلس مكانك غوجري

ثوّر وفك القيد ذي هدك وخلاك اعجما

وخذ بثارك لا تناظر شي لواحد عنتري

والختم صل الله على المختار ما مزن السماء

تمطر بكل الارض واروت كل الاغصان والذري

............