ما حد يموت الا وعمره وافي
24 مارس 2017م.
...............
ما حد يموت الا وعمره وافي
والله يعلم عمرنا كم نصفه
لا جاء الأجل ماله علاج
اوشافي
وكل واحد با يصل له كشفه
والمشكله ماشي كفانا كافي
والموت كم يحتاج له من
وقفه
فاليوم هو باين وبكره خافي
والغد يعلم من يلاقي حتفه
والكل منها با يغادر حافي
ما حد يشل الا الكفن ذي
لفه
نصيحتي يامن سراجه طافي
يحفظ صلاته والشرف والعفه
مادام هو بالعافيه متعافي
يطيع ربه قبل يضمر كفه
لا هو رحل يرحل وكشفه صافي
في يوم ما به قرض فيه او
سلفه
ومن عفا اجره بيد العافي
با يشمله ربه بواسع لطفه
ومن يجازي صاحبه ويقافي
يقطع له الواحد ولو من
كتفه
لا صاحبك وافي له ابقاء
وافي
ومن وفاء لك بالجمايل أوفه
مالك ومال الشخص ذي هو
هافي
ما منه الا الطقطقه من
لقفه
قال المثل من كان جيبه
دافي
تشوف كل الناس توقف خلفه
اما الذي في عيشته متكافي
في شدته ما حد يقف في صفه
با اقول كلمه قالها أسلافي
وقت المطر كلن يجبب سقفه
ما حد لحد في ذا الزمان
الجافي
يارب كف الشر عنا كفه
باقي كلام اخفيه وسط انجافي
اوعدت نفسي ما تقوله شفه
لاما يجي وقته ووقته لافي
أن عشت با اقوله وبشرح
وصفه
هذا وصلوا قبل ما ختم قافي
علي النبي ذي خصنا في عطفه
عليه صلاتي سيد الاشرافي
اعداد ما جفني تحرك طرفه
..............
0 تعليقات