يا الغايبه حي شوفش بعد برهة غرور
2017م.
............
يا الغايبه حي شوفش
بعد برهة غرور
سكنش الأول عليه الأفه
السابقه
الهجر حطم مداميكه
وزاده ضمور
والبعد زلزل عرين
أركانه الشاهقه
لو تدخلين الحنايا
تلقي آخر ظهور
من يوم سافرتي البحرين
والشارقه
ولو تفتحي قلبي اللي
ماخذ الهم دور
تلقين مكتوب فيه املاك
لا مفارقه
تبرقعي قبل اطيح الليل
بين الحضور
واصير الأخبار والعاجل
على الوارقه
يا البارقه لا تدوري دام بقعاء تدور
خوفي من الوقت يبضع
فيش يا البارقه
تمرجحي فالحنايا ما على
الوصل سور
واتنزهي بين زلات اسمش
الحارقه
ما علموش اهلش اني في
المحبه غيور
واغار من ظلش
أثناء طلة الزارقه
وما علموش اهلش اني في
المحبه صبور
صبرت في سرق قلبي
وانتي السارقه
والله يا بنت ابوش اني
سبحت البحور
لكن بحرش غريق وحالتي
غارقه
اخشى من القلب يقسى
والعوايق تثور
واصير مرو العذاب بكفك
العارقه
واخشى لزلة كفو منها
تضيق الصدور
تضيق منها الرصاص
الفذه الصادقه
واخشى من الوحده اللي
عايش ابها الشهور
تكبر ويكبر عمرنا
وانتي الدارقه
لو جيتش للسلام تقام
في وقت جور
جيتش بسلميه اعانقش
واعانقه
لكن جيتي ولا حسك جبر
للكسور
اللي كسرها مداء طلقاتك الخارقه
واليوم كنش من البيضاء
وانا من حجور
والمعرفه الأربعاء
والأربعاء صاعقه
.............
زودنا بالقصيدة الأخ علي الهمام
0 تعليقات