قلي لبوش الدهر مدخل مدخل
4 ابريل 2017م.
..................
قلي لبوش الدهر مدخل مدخل
ها قد معانا فـي السفينه قبـطـان
للمـه منعنـا مـا نجـي نتجـول
للمه منعنا ما نزور امـريكـان
قرار ساذج يا إيفـنكا واخبـل
ودولته ترعى حقوق الانسان
قلي لبوش انه لطيمه واهبـل
وفي قراراته حقيقه غلطـان
حرام ما نرضى ولا بـا نقـبـل
يمنع تواصلنا بحسب الاديان
لكن فلا قذا الفرج جاء واقبل
قد با نجي لا عندكم بالمجان
شاصات ربي جاهزه للمحفل
ماغر مؤخرنا حصار العدوان
رجال ربـي قـادمـه با توصـل
مادام عيسى الليث صوته رنان
با نـدي الصـرخـه وبا نـتزومـل
ونطحن امريكا وقرن الشيطان
با ندخل امريكا بوقت المقيل
في ضرف تخزينه وحبه دخان
قلي لبوش ان مــا عرفنا يسئل
احنا رجال الله دعسنا سلمـان
واحنا من اجبرنا اوبامـا يرحـل
والان جايي دور ابوش التعبان
لا عندكم خط الـ 100فالمعقل
با نعتصم ضـد الغلاء والطغيان
قـبايـل الامـريـك بـا تتـشلـشل
تنضم للثـوره وتعـلـن عصـيان
وان عندكم حاشد عد الوعد اجمل
تدي قوافل من لبنها لا الظـان
لامـا المسيره عندكـم تـتـوغل
بعـدا نفجـرهـا مثيـل البـركـان
من راس واشنطن نكعدل منزل
بالذات لا عد شي معاكم عمران
احنا من آل البيت ما با نفشل
حان اللقاء يا بيتنا الابيض حان
نعم كفى هــذا خرج فصل اول
وفصل ثاني كم مع البيت اركان
هذا ومـا با اهيـم بــش واتغـزل
ولا اوصفش يا ريش عود الفنان
لو اوصفش با اصير عندش مهمـل
شـتان بيـنش والقـمـارى شـتـان
يا احلا بنات اليهـوده بل واجمـل
كل الحلا من تحت وانتي سلطان
مسيطر الطاري وطيفش محتل
كملـتي القلـب المعـذب طـعـان
ارجوش واترجاش بل واتوسل
سوي زياره لليمـن فـي شعـبان
صنعا ترحب بش في المستقبل
وتحت امرش دورها والـسكان
زوري ذمار الخير ما حد يبخل
إلا وجـي لا عنـدنـا لا كـومـان
جي بيتنا ذي راس حاجب حلحل
شرقي بني عكروت غربي ثوبان
يمين لا ارمي لش ببندق جرمل
وتوصلـي لا زوة اكبر ديــوان
ونحتفل بش حفل ما يتخيل
ونجتمع نستقبلش في المـيـدان
ونفرش القريه بلـون واحلى زل
ونطرد اصحاب الحطب والصبان
واصحابـنا محجـور حـد يتدخـل
دعوني افعل غايتــي لا لي شـان
انا معاها قلت نبحـث عـن حـل
في حول ما قرر ترامب الدوشان
..............
0 تعليقات