قال نشوان ابو نشـوان يا الهاجس اسمع
12 فبراير 2017م.
..............
أبدع القول بســم الله متعود أبدع
بسم ذي مكتفل بالكون أنسه وجنه
يامـن الرزق من عندك لخلقك توزع
جل شانك على هولا وهذا وذنه
أحمدك مادكم رعده وما البرق يلمع
والسحابه تشيع والمطر ذي تشنه
قال نشوان ابو نشـوان يا الهاجس اسمع
لا تخيب ظنون الناس ذي مستضنه
يا عميد القوافي في لواك المدرع
نضم القافيه لاحد يقل كان كنه
هاجسي مثل ناهض ما ازوبه لا تشيع
ايش ثابت عوض لا قد نوى والقطنه
سيله القا صخور الجوف ضلت تهرع
والجرب شلها والصدق لابد منـه
قال ذي قايس الدنيا وشكل ونوع
اكتشف في المواقف غير ما حد يظنه
انتهى الدوعني وتعالجوا بالمصنع
ما حدا قدر العارف ولا كبر سنـه
كل ما سار شوعه ذي يجي بعده اشوع
سارو اهل المعارف ما بقا الا كذنه
اين ضاع المحدش وين سار المربع
المتسع تقوى والشلل مستكنـه
كانت اخلاق عند القبيله ما تزعزع
الكرم مفعلينه فرض والصدق سنه
لا التقاء اثنين فالثالث يجي سعي يفرع
لكن الان لا شافه قبض جاء يدنه
ليش ضاع الوفاء والصدق صابح مجعجع
والشهامه توفت ما بقا مثل تنه
عاد بكتب نصايح او عسا الناس تسمع
من مجرب شرب في الوقت شاهي وبنه
ساير الجيد واتحمل حذاه المقطع
واترك الفسل لو يتقرقعك ما تحنه
صاحب الجهد لو يمشي وثوبه مرقع
با يضمك ضموم النخل لاهي مدنه
لكن الفسل مهما الشال حقه مقبع
العضه من تكنن تحتها ما تكنه
وان معك قات ولا بنصحك لا تولع
لا تقل با يقع من ذا ومن ذا شونه
ولنت ميسور في الدنيا تزوجته اربع
متع النفس بعد الموت لابد منه
وانما فيك حاله واحده بس واقنع
واطرح الفأس حقك لا تضله تسنه
وانصحك شوف لإبنك خال فالخال مرجع
كيفما كان خالك فانت شليت منه
لا يغرك في الشبه جمال المبرقع
واحسب الفرق ما بين الجذع والمسنه
وان حد جاء لبنتك خاطبي لا تطمع
عين المعدن الغالي نصيحه لإنه
با يصون الامانه وان شي حاجه اسرع
طيب الاصل نفسه دايمآ مطمئنه
وانتبه من قليل المعرفه حين يشبع
لا تنازلت له في تا يقل عاد تنه
واطرح الجٌمل حيث الجمل في الناس يطبع
واحذر الشوم با يفعل في الجيم غنه
ولا شوكته امام اعداك غمضت واجزع
لين تقفه وحاول لنتقشته دلنه
واكرم الضيف بالحيل ومخصي وتبع
لا تقدم لضيفك من بنات الحطنه
ما حدا بالفساله قد طلع شبر مطلع
او من افعل جماله قد نقص شبر منه
واختم القول بالمختار طه المشفع
طاعته وتباعه فرض واجب وسنه
..............
1 تعليقات
صح لسانك ابونشوان
ردحذف