قصيدة الشاعر / أبو مجدي الابرش العميسي

ساقك لي البخت زارك هاجسي بلحض

6 مايو 2017م بدع مرسلة للشاعر أبو ذيب الرقيمي مزروع.

...............

ساقك لي البخت زارك هاجسي بالحض

يناقشك من قضايا بعض ناس امراض

لاجاك هاجوس أبو مجد استعد وانهض

سيبك من الهرج فى الطوال والعراض

كملي وانا حذرك من درسي اتحفض

ولا تصدق لمن يعجبهم الحراض

الوقت ذي راح من لعمار ما اتعوض

اصحى وترك غرورك بس لك كرباض

الناس للناس تبحث   بيش   تتلفظ

ومن طحس راح فيها بس لك شباض

ما دمت في خير دايم يا فتى اتفوض

من فضل ربك وطنش ذي بدون الفاض

به ناس لا شاف زينات الخلق يمرض

يجس يناخش ضروسه يكثر المضماض

لاعاد لك نفس انا اوقف له من اتعرض

وان كان ماغير ترهب بسك استعراض

من كل شي تطلبه تلقاه فى المعرض

انواع واشكال تلقى كل شي من فااض

الحق   نجاح   خبر لي لمن كربض

مش كل مره ومره بس له كراض

ما حد فعل فعلته في طمرته غمض

لو كان فتح سلم من كسرت المحواض

عجن ومتن وطاحت خبزته فى الارض

بدال ما كان  يتغضا  رجع  يغتاض

...........

قصيدة الشاعر / أبو ذيب الرقيمي مزروع

جواب على قصيدة الشاعر أبو مجدي الابرش العميسي.

.............

مرحب ترليون ذي عقّد وذي نقض

وهو   لها   اهل للعقاد والنقاض

مرحب بشاعر يصورني ولا حمض

وانا معي موج يسبق موجه الفياض

ترى انا الصقر لا ودي بصيد انقض

احطها منتصف وارقص الركاض

سبعه عفاريت للهاجس متى فوض

يشفوا غليلي بعنف القافيه والفاض

ومن مرض خل ابوه من داخله يفتض

ما مثلنا من يصاحب له وسيع اعراض

الناس بالناس تتمسك وتتقبض

ومن يشكك بغيره يا صديقي باض

البعض ينبح وطول العمر ما قد عض

وعزك الله عاد البعض كالمرحاض

مادام راسك مقنف من شعض يشعض

كم جهدنا فى الحقيقه للسفر نفاض

وزين الاخلاق راحه عند من قد غض

ومن يطول عيونه للحلا  يرتاض

وربما لو يجي غير اوله يدحض

وين منه العقل لا قد شاف زينه خاض

ومن يهنهن يعين له رشيق ابيض

وانه مراوغ   فما يستاهل البياض

وللضباء قاع تتنطط وتتريض

الا اذا كانت الهوى قضاة أغراض

.............

زودنا بالقصيدتين الشاعر أبو ذيب الرقيمي