معي هوجاس يشغلني ويجبرني على امره
24 يوليو 2017م.
..............
معي هوجاس يشغلني ويجبرني
على امره
على كيفه يهكرني وبكيفه
يلغي التهكير
ولا مرت حروفه حيل على
طول اشتغل نقره
ولا مرت من خلالي اجنح
في الهوى واطير
يجيني هاجسي في الليل
وانا واياه في سمره
وفي الصبح هاجسي يكبر وفي
المقيل يزيد تكبير
يجي في الليل يراودني يناديني
على القمره
يسامرني على اوجاعي يسمرني
بها تسمير
فقط يبغى يذكرني يلوعني
على الحسره
وما يرحم ولا يشفق فقط
يبغى لي التعزير
وكلما قلت اتناسى يجي هوجاسي
بشعره
يدق الباب يصحيني يذكرني
فقط ويسير
يطول الصمت في شعري ولكن
ما يطول هجره
يلملمني بإملائه وينثرني
على التعبير
احاول افترق عنه ولكنه
يزيد مكره
يغني لي عن الفرقاء ولكن
فرقته ما تصير
يقول ما اقدر يفارقني وينفث
لي هوى عطره
ولا ما اقدر يجمعنا يحاول
جمعنا تكسير
الا يا ليتني افتك من قيده
ومن اسره
عشان اصحو من الغفله عشان
انجو من التدمير
اشوف الليل قد طوّل وزادت
وحشتي غدره
وما اتوقع يطول الليل اظن
الصبح يجي بكير
دعيت الله من قلبي يشعشع
وطني بفجره
وظني خير في ربي على الله
وحده التدبير
يطول الحرب في وطني وشعبي
طايل بصبره
الا يارب ارحمنا وجبر كسرنا
تجبير
...............
0 تعليقات