يا ليل ناديتك واناجيك يا ليل
25 أغسطس 2017م.
............
يا ليل ناديتك واناجيك يا ليل
ارحم مفارق ما في اليد حيله
قسيت يا ليلي عليا وبالحيل
من طول ساعاتك دموعي مسيله
يا ويل من مثلي مولع ويا ويل
اهوى حبيبي واحلمه كل ليله
لا قلت اشوفه ما قدرت اقطع السيل
والبحر با اقطع به مسافه طويله
يا خير تردفني مع راكب الخيل
عسى التقي مولى العيون الكحيله
انا مولع من يده قهوة الهيل
واشرب من الماء اللي بيدّه يغيله
اشبع نظر بالمتر والوزن والكيل
يطرح بنانه فوق كبدٍ عليله
وانسى هموم ٍثقّل الحمل بالميل
واعيش سالي وسط بقعا القليله
تعبت انا من كثرة الحط والشيل
ممشاي دايم في طريق الفضيله
وارش دربي من مطر تالي إسهيل
ملعون يا ماشي طريق الرذيله
..............
0 تعليقات