قصيدة الشاعر / أبو ذيب الرقيمي مزروع

سامري اليمن ضلل وحرّف ووسوس

11 سبتمبر 2017 بدع مرسلة للشاعر أبو مقبل عبد العزيز البشاري.

..............

سامري اليمن ضلل وحرّف ووسوس

مثلما السامري ضلل على قوم موسى

حومه الحوم ذي يزبط ويردع ويدعس

من قسى لا قسى وأقسى من البارح اقسى

برتوكولات عرقيه ومذهب ملبس

تحت الادراك   يطعن في حياة الرميسى

لا متى في  سبات  الخنع و الليل   عسعس

والذي لا الصباح اصبح تزحلق ولا امسى

بس يا عازف اوتارك على دمنا بس

لا تظن البساطه للمتاهات تنسى

لا تسم   اللبن باسمه متى هو مبسبس

قد  يكون اللبن بالسم   وانته  تحسى

ثورة   الشعب انموذج مع الذيب الاغلس

والتحرر مبرر والمساطيل   تخسى

لا   تزمت ولا نرجع إلى الخلف ريوس

والثياب   النظيفه  ما بها العيب يلسى

وينه الشيخ ابومقبل في الوضع الاحوس

شكل عبد العزيز ارسى في الشاطئ ارسى

ما هقيته يواسي قوم  قد فيهم  المس

وقفته واجبه من قبل ما العود يكسى

للحدا عزها مغرم  ومكرم ومترس

نارها  محرقه لا حد عليها تعسى

من تحزب تعذب   والمنومس منومس

و التقى  والنقى  والعرف للناس مرسى

............

قصيدة الشاعر / أبو مقبل عبد العزيز البشاري

جواب على قصيدة الشاعر أبو ذيب الرقيمي مزروع.

............

شاعر اجتاز في شعره وحرفه تلمس

نفسه الجرح ذي حسيت انا منه احسى

حط الابداع من راسه وحرفه تجلس

لا فهيم ابتعد منه ولا   العين حوسى

قال ابو مقبل البداع والفكر هوجس

عادها بادعه والكر والفر لسى

عاد الاكراش با ترجع وتاكل مدمس

دام والشعب يبصر عاصمة سام نمسى

وحده الشعب ذي يفرح بعزه وعرس

كلمته فوق من حاول يجي عرض ينسى

واحترام   الصحب لا صاحب العرف فلس

امطرت ناوة المعروف والروس يبسى

قل لمن مايل العدله  كفايه هنا بس

دام راسه سلم ياخوك  واليد ملسى

واحترم جورته لا دس فيها ولا جس

نترك الحزبيه غادي وذا الروس ترسى

مالنا فيمن اتحالف ولا من تسيس

شوف الاوضاع مربوده والاحلاف هوسى

عاد سبتمر الثوره وفجره تنفس

كل عاصي نهار الحرب عزمه تعسى

دونه اشناب من فاه الكند نار تلهس

لا دعا الصوت تحجر له كحيله ونعسى

من على راسه   البطحاء بيّده تحسس

ما علينا من اصحاب اهل  كربل والاحساء

الف بيضاء لبو ذيب راقب الوضع ووكس

صاحبي واعرفه   ما هم غدرى وشمسى

............

زودنا بالقصيدتين الشاعر أبو ذيب الرقيمي مزروع