اهوى العيون الذابحه عين المها
3 يونيو 2016م.
................
اهوى العيون الذابحه عين المها
واعشق عيونك موت يا بدر البدور
عيونها نهبت احاسيسي لها
والدم بعروقي على رمشه يثور
ما لوم حالي لا ابتلا في حبها
وما الوم روحي لا سماها بنت حور
اعزف على موالها حرف اسمها
حروف في عين الغلاء سبعه بحور
معذور لا سولفت والا اهرج بهــا
رموشها كنها زهر وردات جور
النبض في قلبي يغازل حسنها
والدم يجري نسمها ابهج بالسرور
ربيع فكري في معالم علمها
اهيم فيها مثل ما الكوكب يدور
فيها قرين اية حبي نظمها
وفيها ربيع الشعر يبهج بالزهور
اسمر على طاريها واشتاقها
واراقب امتى نورها واخر ظهور
اغار لا شفت الكواكب حولها
حتى ومن رمشه على عينه غيور
...........
){kind=link}
0 تعليقات