احلام يوصفها حقيقة فكري
5 يناير 2018م.
..........
احلام يوصفها حقيقة فكري
واشوفها وكن مانا صاحي
اتقبلي يا من هويتك
عذري
اني اشوفك في الهوى
مصباحي
ادري وكلي ياغناتي يدري
انك حياتي وانت كل افراحي
لا وين ادون رهف حسي
واسري
حتى اداوي فيك كل اجراحي
بعدك مصيبه ياخليلة عمري
بعد الأمل لا بين صفر الواحي
يكفيني اني كل ما قمت
اجري
اتخيلك في مسرحي ومراحي
انا هويتك واستميتك
قمري
وانا اكتفيتك حلم باذر
شاحي
كل ما ذكرتك كن جرحي
يبري
واتاملك يا نسيم عوده
فاحي
.............
0 تعليقات