من مارب العز مسراخ الملك تبع
1 أغسطس 2017م
............
من مارب العز مسراخ الملك تبع
من وسط وادي عبيده حين عيال العم
بوابة المجد والتاريخ والمرجع
مهد الحضاره نقوشه في الحجار الصم
تاريخ كل العرب بالساس والمنبع
طاف الوفاء في رباهم والزمان احرم
على سنام الشهامه حل واتربع
والجود والعز رده للعبيدي سم
سم الله اعداء عبيده بالسموم اجمع
عبيدة الجود والله في حماها اكرم
سلام مثني محدش للجميع اربع
لصحابنا الكل من سربل ومن قد ضم
سلام ما لاح برقه والسماء تلمع
واسقى المحيله وسيله في رباها زم
ها بعد ذلحين ذي ما قد سمع يسمع
ويفهم الصح ذي عمره رفض يفهم
احنا لنا اسلاف تجمعنا وتتشرع
كلام مثل الرهيفه ما لفيها دم
اصحاب واحباب لاجانا البلاء ندفع
دفعه بالاعراف حتى نخرجه مختم
ماشي سبب ندخل النشبه ونتجرع
على تراهات مفصحها نراه اعجم
يا لابت الفخر لا جار الزمن يركع
على قدم ناس وقت الضيق تتبسم
ما ودنا في صحبنا يدخل المدفع
ولا في الحزبيه يا اصحاب نتقسم
واحد نزل تحت والثاني رجع مطلع
وصار كمن وعل يحكم عليه الجم
كلن من الحزبيه يا صاحبي يقنع
بعد الحلا صاحبي مني شرب علقم
وكل من لأجل بقعا قابله مصرع
خلاصة القول حكم العقل واتحكم
ومن زعل من رفيقه اوقده موجع
يوفاء له اليوم وسن القبيله واكرم
وكلنا اخوه يمانيون من يفرع
بيناتنا لا تظنوا حد با يهتم
عصى الصحب منشرخ والمستفيد ينبع
ومن تمصلح حنينه هو اكيد يجذم
واختم بذكر النبي ذي لامته يشفع
محمد المصطفى خلا السلام قد عم
..............
0 تعليقات