عّتقتني من شاذي الفن عتاق
27 فبراير 2018م.
..............
عّتقتني من شاذي الفن عتاق
واسقيت غيري عذب نابع
صخوره
رغم أن انا حبك ولكن
هي ارزاق
رثوي لقلبي بالفلس وش
شعوره
بنيت لك بالصدر شاطي
به اسواق
وقلبك أسواره وفاخر
قصوره
يا نبض قلبي يا شذا كل
عشاق
يا اعذاق ذاك النخل داني
تموره
الفن وأطباعه وذوقك
والاخلاق
يا كسرة العوده وراقي
عطوره
حبك كما يوم التقى
الساق بالساق
اما به أحيا أو تنصب
قبوره
زادت حياتي بالوله لك
والاشواق
تايق لنجمك يوم يطلع
ظهوره
حسنك على كل الغلاء يا
الغلاء فاق
مغروس في قلبي وثابت
جذوره
قالوا فجاج الصبح يطلع
به اشراق
وقت النسيم لاهب عانق
زهوره
وقولوا لهم موال شعري
بمطراق
والقلب عامر بالوفاء
في حضوره
ابري جروح القافيه هي
والاحراق
وارسم معانيها كتابه
وصوره
والحرف لا من شفت من
دهلها راق
اسكر به المتذوقي من
خموره
............
0 تعليقات