قصيدة الشاعر / عبد الله صالح العولقي (أبو نادر)

قال العولقي بتزمّل راسي بالسماء مرفوعه

بدع من محافظة ابين مرسلة الى الشاعر علي احمد البيحاني (أبو شهاب) بتاريخ 15 / 8 / 2018 م الموافق

4 / 12 / 1439 هـ.

...................

قال العولقي بتزمّل راسي بالسماء مرفوعه

ما دامي طردت الغازي كسّرنا جميع اضلاعه

قلنا له عدن ما تقدر تجعلها لكم مخضوعه

خرّجنا الافندم منها والحوثي وكل اتباعه

نحنا في عدن ما نقهر او نصبح لحد في طوعه

قد انجلترا مدحوره ذي كانت لنا طمّاعه

اما انتم دخلتوا حيله دولتنا بكم مخدوعه

جيتونا بإسم الوحده ذي كانت لكم شمّاعه

واحنا طيبنا صدّقكم لم نعلم بها مبيوعه

اتلاقى علي بالاخر لكن الاخيري باعه

شفنا ذلّنا بالوحده ذلّاً لم نرى من نوعه

وتحالف شيوخك ضدي من (90) ذيك الساعه

حالاً هاجسي زلزلهم بالابيات ذي مسموعه

دامك محترف في قافك اعمل للعدو زعزاعه

اسقيهم كؤوس العلقم والطلقات ذي ممنوعه

ما دامه تجبّر دقّه ايضاً زلزل النصّاعه

وانته يا رسولي حالاً شل ابياتي المطبوعه

فيها الفايده والعبره لو ناساً لها سمّاعه

سافر للحدا يا طارش واحذر من طريق الروعه

في ارض الشمالي يوجد المحتال والقطّاعه

اعط الشاعرالبيحاني ابياتي وهدّئ روعه

قلّه من عدن ذي ذلّت وكر الشله الخدّاعه

اهل الانقلاب الاسود خدمه مؤذيه مدفوعه

ضد المنطقه بكملها والفرس الجدد دفّاعه

اما فندمك سهّلها وطّاها وهي مرفوعه

لمّا حالف الحوثيّه خطّط كيف في اقناعه

قالوا با تعيد اجدادك والاوراق ذي مقطوعه

قصده ينتقم من هادي يأمل كان في رجّاعه

كلّن كان له تفكيره كلّن خاف من ملقوعه

اصلاً ما بني عالباطل با يسهل غداً ايقاعه

والحوثي فتك بالفندم في قلبه لكم مزروعه

متوقّع خيانه منه متوقٍع بايّة ساعه

ما حد منّكم استنكر في قلبه حزن او لوعه

خفتوا من يدين الحوثي ذي في يده المفراعه

والان تفتخر في طارق من اسبوع لا اسبوعه

ذي ذاك النهار اتخبّى مثل الباقيه الفزّاعه

مالي منكم تتصافوا لك صنعاء ولي القلّوعه

حراً عيش والا عبدا في قمّه تظل او قاعه

ليّه دولتي با ترجع يكفيها زمن موجوعه

من وحدة مصالح ذلّت شعبي كم شكى اوجاعه

صلّوا عالنبي الامّي صابر ما شكى من جوعه

عدّت ما سجد للخالق من قوم النبي واتباعه

................

قصيدة الشاعر / علي احمد محسن البيحاني (أبو شهاب)

من محافظة ذمار (الحدا) جواب على قصيدة الشاعر أبو نادر عبد الله صالح العولقي.

...............

قال الـشـاعـر البيحاني فيض الشعـر من ينبوعه

لـي هـاجـس قـوي متمكن ينثـرها درر لـمـاعـه

لي بالشعر موقع مرموق قاموس الادب موسوعه

علّمت الـذي مـا اتـعـلـم والقيـته ضـهـر ابـداعـه

بيحاني وراسي مرفوع في شامخ صعيب اطلوعه

ما تدخل بوسط الميدان غـيـر " الجبر " الـبـراعـه

بعد الساع حـيّـا ضيفي ذي رسل لـنـا مـبـدوعـه

ارسـلـهـا غـلا او مدري عـاده مـا عرفنا اطباعـه

مرسوله وصلنا خايف حين شاف الحـدا مشـلوعه

بالابطـال ذي للعـاصي تـقـطـع ساعـده وذراعـه

هـدئـناه لـكـن خايف فـازع يـرجـفين اضـلـوعـه

قلنا يـا فـتـى لا تـقـلـق انـته بـالحـدا الـمـنـاعـه

مـن بعد الضيافه عندي خـذ ردي على مـبـدوعـه

مـا انـا شـي غـريـمـه قله يعرف صاحبي من باعـه

بــا ارد الجـواب الكـافي والغلطات لـه مـرجـوعـه

فـي اول زيـاره جـانـي مـا با اسخى على جـراعـه

والا هاجسي له جاهـز كـم شعار ذي مـصـروعه

طلقه واحده والقـيـته جـثـه هـامـده بـ الـقـاعـه

مـا اوضـاع اليـمن يا الطيب سمعه لليماني شوعـه

في شعب اليمن بالكامل في نـزلـه وفي مطلاعه

بـو نادر وصـلـنـي يشكي في خـده تسيل ادموعه

يشكي لي قـفـا ما اتحـطم طاقم دولـته وشراعـه

هـو عمـك علي ذي حاول يفصل ما نجح مشروعه

شـتـتكـم وولى هـارب هـربـه مـا بها مـرجـاعـه

ما شلال والي مثـله ويـش تـرجـون من ذا النوعه

والله ما يـحـقـق مـقصد خـذها من علي بـقـنـاعـه

والافـضـل لنا نـتـوحـد في كل اليـمـن وربـوعـه

لا عـوده لـكـشـف الماضي او للـشـله الـمـيـاعـه

ذي عـنـدي وذي هـم عندك والله ما بهم مـنفـوعـه

ابـواق الـمنـاصـب والـمـال مـاهي للوطـن نفاعه

والـوحـده تـرهـا غـايه في قلب اليمن مـطبـوعـه

والـبـيـاع يـا بـو نــادر لا تـسـعـى الـى شـجـاعـه

وحـده في عـيـون الحاسد وامـال الـعـدا مقطوعه

ذي رادو بلادي تصبح يـا  ابن الـعـولـقي مـنصـاعـه

واسـباب الـمـشـاكل كامل واسباب البلاء دنـبـوعـه

والشـرعـيـه حقـه سـواهـا قـدام الـمـلا شـمـاعـه

هــذا ردنــا لـه وافـي عبـد اللـه على مـوضـوعـه

واقـع مـا شرحته واقـع عن شعب اليمن واوضـاعـه

واخـتـمـهـا بذكر الـهـادي يـوم الخلق به مشفـوعه

صل الله على احمـد وآلـه واصحابه وثـم واتـبـاعـه

.................

زودنا بالقصيدتين الشاعر علي البيحاني