ايش اقل يا عيد والله المعيد
19 أغسطس 2018م ابيات شعريه بمناسبة عيد الاضحى المبارك.
.............
ايش اقل يا عيد والله المعيد
ياحلاوى العيد لله المعاد
ايش اقل يا عيد في الوضع العنيد
ما بقى للعيد حبي والوداد
ايش اقل يا عيد والثوب الجديد
ما لبسته عيد في يوم الحداد
ايش اقل يا عيد والذوق الفريد
عندي اغلا عيد روحي والفؤاد
ايش اقل يا عيد والدنيا بعيد
لا متى يا عيد عاد احنا وعاد
ايش اقل يا عيد في لعنة يزيد
والفرح والعيد في كل البلاد
ايش اقل يا عيد في حكم الوليد
عاد يوم العيد والماضي يعاد
ايش اقل يا عيد والغايب وحيد
ما تهنى العيد في حبل السواد
ايش اقل ياعيد والطفل الشريد
احرموه العيد من كل اعتماد
ايش اقل ياعيد والجرعه تزيد
في ظروف العيد زرعي والحصاد
ايش اقل ياعيد ياعمي سعيد
عارف ايش العيد من شوي الجراد
ايش اقل يا عيد والراي السديد
بعد هذا العيد يكفينا رقاد
ايش اقل ياعيد عدنا من جديد
نحتفل بالعيد نعلن بالجهاد
ايش اقل ياعيد فرحة كل غيد
في صباح العيد تقبيل الأياد
ايش اقل ياعيد عادك كل عيد
عيد يومك عيد عاد احنا وعاد
.................
.jpg)
0 تعليقات