ليش اقترب يا زين وابعدت مني
6 اغسطس 2018م.
.............
ليش اقترب يا زين وابعدت مني
ولا متى يا خل هذه الحواجز
كل ما اقترب واشوفك ابعدت عني
من كثر بعدك صرت يا زين عاجز
اتعبتني بالبعد والبعد مضني
رديتني خاسر وقد كنت فايز
غنيت لك بإحساس مرهف وفني
ولا قضيت في درب حبي عوايز
خاب اعتقادي بالمحبه وظني
بسم الخساره حايز افضل جوايز
بعد الجفاء شفت المحبه تمني
شفت المنى والشوق حق العجايز
ما فادني كثر الأنا والتعني
مادام هجر الخل يا خل جايز
يا عين صب الدمع يا عين شني
شني على الايام ماشن مايز
اما على الخاين حذاري تحني
لن الخيانه صارت اليوم غرايز
يا نفس اخو عبده لصبرش تبني
يا سعد من قلبه على الصبر حايز
باب الهوا ايّاش بسمه تغني
ما دار وقتك حسب ما كنت عايز
جني يشل الحب والفين جني
والمرسديس والبنز والريز رايز
والوهم ذي له عام واكثر عجني
بالنعش بحملهن وفوق الجنايز
...................
.jpg)
0 تعليقات