زامل دلي فل يحفظه قاصي وداني
مجاراة شعريه اجريت
في مجموعة صدى الحروف بين الشاعر ناصر
الغرسي والشاعر علي ضروه بتاريخ 26 أكتوبر 2018م.
............
زامل دلي فل يحفظه قاصي وداني
ما دام والمعني ّ قطير
عاد القريب أبعد على الشعب
اليماني
والسهل عد سهّله خطير
.............
زامل الشاعر /علي ضروه
جواب وتعقيب على زامل ناصر الغرسي
............
ما لاح براقه وشنت غيث الامزاني
ويصبح الوادي مطير
قد ناصر الغرسي مخزن قات
علاني
وخوفي الليله يطير
..............
زامل الشاعر / ناصر الغرسي
جواب وتعقيب على
زامل الشاعر علي ضروه
.............
وان طرت ما انقد يا علي شعبي
يعاني
ركز ولا تشطر شطير
أحنّ لجله رغم شربي في صياني
وزادي اجباحه فطير
..............
زامل الشاعر / علي ضروه
جواب وتعقيب على زامل
ناصر الغرسي
.............
قد المخرب جاء وهدم ما بنا
الباني
ويبس الزرع الخضير
واحنا نغني وازخم غصبا وبالعاني
المستضئ هو والبصير
............
زامل الشاعر / ناصر الغرسي
جواب وتعقيب على زامل
الشاعر علي ضروه
..............
اكيد لكن لو حدينا يفهم الثاني
في الوضع ذي ماله نضير
ما سار شعبي بينما حوثي وسلماني
وتلّمنا صابح قصير
.............
زامل الشاعر /علي ضروه
جواب وتعقيب على زامل
ناصر الغرسي
.............
إعلن بكلمة حق ضد الحاسد
الشاني
وداحن الضر الضرير
لا عاد شي همه وذمه وان جهلتاني
يا ناصر العليا شعير
...........
زامل الشاعر / ناصر الغرسي
جواب وتعقيب على زامل
الشاعر علي ضروه
.............
اعلنت باعلى الصوت والجمهور
لا اوحاني
قليل والباقي حمير
لوكان صوتي والصدى في شعب
نصراني
ما اصبح حجر في وسط بير
.............
زامل الشاعر /علي ضروه
جواب وتعقيب على زامل
ناصر الغرسي
..............
حين البلاء منا وفينا يا
نصيراني
بين المشنه والحصير
الغير شلوا سيلهن كله صميلاني
لا يرحم الله المشير
............
زامل الشاعر / ناصر الغرسي
جواب وتعقيب على زامل
الشاعر علي ضروه
.............
وايش ذي نصيّح يا علي ضروه
اذيتاني
وانته مؤيد للجوير
يقصف وما ذي تسلموا قصف اليهوداني
اول شي امشوا في الشبير
...............
زامل الشاعر /علي ضروه
جواب وتعقيب على زامل
ناصر الغرسي
..............
بأسباب من جاء لكن اوفاء
من هو الجاني
لا تعصر الدنيا عصير
ما حد موافق تخترب داره والادواني
ويصبح الساكن هجير
..............
زامل الشاعر / ناصر الغرسي
جواب وتعقيب على زامل
الشاعر علي ضروه
............
المشكله كلين منا منطقه
ساني
وهو مع الظالم مدير
نسي حليب امه وهي تصرخ عصيتاني
وطاع معدوم الضمير
...............
زامل الشاعر /علي ضروه
جواب وتعقيب على زامل
ناصر الغرسي
...............
تبا لها من ام ترضخ للطفيلاني
وللمزمر والزمير
لاما ادخلوها في متاهة كل
شيطاني
ذي تاليتهم لا السعير
............
زامل الشاعر / ناصر الغرسي
جواب وتعقيب على زامل
الشاعر علي ضروه
............
ما ذنبها اين انت وانا واين
شبّاني
ذي فلتوها للأجير
غصبا عليها لا تقلي وايش
دراني
والكل داري يا خبير
.............
زامل الشاعر /علي ضروه
جواب وتعقيب على زامل
ناصر الغرسي
..............
القردعي قد قال سار السيس
والساني
والبر ضامي والبرير
من ذلك العهد البغيض والشعب
مهتاني
لا عهدنا هذا المرير
..............
زامل الشاعر / ناصر الغرسي
جواب وتعقيب على زامل
الشاعر علي ضروه
.............
انا اليمن ما حد من الحالين
راعاني
ومنّكم اجراحي كثير
حوثي وشرعي كل حد بالنار
كواني
ان جاء بها قبل النفير
............
زامل الشاعر /علي ضروه
جواب وتعقيب على زامل
ناصر الغرسي
.............
ما انا فقدني داري ايش الله
رواني
قد طرف أبو يحيى قرير
ما قلنا نتبع لسركالي وطلياني
ولامع اصحاب الغدير
.............
زامل الشاعر / ناصر الغرسي
جواب وتعقيب على زامل
الشاعر علي ضروه
..............
متى عنهدى صف لا حوثي ولا
اخواني
ونسير في نفس المسير
اعمال دون اقوال اشدك لا
دعمتاني
صغيرنا بل والكبير
.............
زامل الشاعر /علي ضروه
جواب وتعقيب على زامل
ناصر الغرسي
............
حن تهتده جنبي انا قد ربي
اهداني
الى الطريق المستنير
انته حنج يا صاحبي قم شد
والفاني
لا تندم اليوم الأخير
............
زامل الشاعر / ناصر الغرسي
جواب وتعقيب على زامل
الشاعر علي ضروه
..............
مادام مريم فوق والدنبوع
مجاني
يشتي يوفي بي عسير
من غير رجعه سير يخسر من
تحداني
مظلوم والله لي نصير
..............
زامل الشاعر /علي ضروه
جواب وتعقيب على زامل
ناصر الغرسي
.............
ما انا فقدني داري ايش الله
رواني
قد طرف ابويحي قرير
ما قلنا نتبع لسركالي وطلياني
ولامع اصحاب الغدير
..............
زامل الشاعر / ناصر الغرسي
جواب وتعقيب على زامل
الشاعر علي ضروه
.............
ايش ذي جعلني ملتزم فالبيت
وحداني
مغلوب والخاطر كسير
الا حن انتوا مثل ذي طاعوا
للايراني
وانتوا مع اصحاب البعير
............
زامل الشاعر /علي ضروه
جواب وتعقيب على زامل
ناصر الغرسي
.............
قد با نقدم وانت لا صرح الوغاء
القاني
وانا المهاجم والظهير
في ساحة الميدان نتبار او
يفداني
اللاش والوجه النكير
.............
زامل الشاعر / ناصر الغرسي
جواب وتعقيب على زامل
الشاعر علي ضروه
.............
المجد لي والعز لي والنصر
عنواني
والفوز فالحشد الغفير
لا انا مع الخامن ولا الكبسه
ولا الراني
وخيّل السابل غزير
............
زامل الشاعر /علي ضروه
جواب وتعقيب على زامل
ناصر الغرسي
..............
هذ خبر سيسي ومتسيس وعلماني
واحمد ربع وابن الوزير
ما تحت راعدهم مطر الله يحجاني
نياق ما بلا هدير
..............
زامل الشاعر / ناصر الغرسي
جواب وتعقيب على زامل
الشاعر علي ضروه
.............
كم قد لكم يا ذاك كثر الكذب
غثاني
اسمع بشيرك والنذير
قذا لك اربع لو بتحبوها بالاسناني
ان قد وصلتوا لا خدير
............
زامل الشاعر /عبد الله محمد البخيتي
جواب وتعقيب على زامل ناصر الغرسي
.............
شعب اليمن مقتول ما حددتوا
الجاني
من عند الاول لا الأخير
ذي ادخلونا بير من حلبه وبالعاني
ما زد درينا اين با نسير
..............
زامل الشاعر / ناصر الغرسي
جواب وتعقيب على زامل
الشاعر علي ضروه وعبد الله البخيتي
...........
الحوثي اعياني وهادي مثله
اعياني
وابو حسين سع بو عبير
ما با يفيده من يقول ابليسه
اغواني
في يوم ما حد با يغير
............
زامل الشاعر / محمد الغرسي
جواب وتعقيب على زامل
ناصر الغرسي
...........
ما دام والشعب الذي مجني
وجاني
ما برحمه شي لو يطير
هو مالسبب ياخوك ماشي فرع
ثاني
يستاهل الشعب الكثير
..........
زامل الشاعر / طه البورعي
جواب وتعقيب على زامل ناصر الغرسي
.................
وانا فهمته واعرف المقصود
ساني
قصدك قد العليا شعير
(الحل)يارباه بالسبع المثاني
من جارنا بك نستجير
............
زامل الشاعر / ناصر الغرسي
الجواب والتعقيب الأخير
في المساجلة الشعرية.
............
المجد لي والعز لي والنصر
عنواني
والفوز في الحشد الغفير
لا انا مع الخامن ولا الكبسه
ولا الراني
وخيّل السابل غزير
.............
زودنا بهذه المساجلة الشعرية الشاعر عبد
الاله سعد الدغري
0 تعليقات