قصيدة الشاعر / اشرف حميد ناصر الغباري

ابدع بذكر الرب ذي ذكره وجب

3 ديسمبر 2018م.

................

ابدع بذكر الرب ذي ذكره وجب

ذي لا طلب مطلب عباده استجاب

وهاجسي قد حب في ساعه عجب

يكتب ولا يكذب بقوله في الكتاب

شاعر ولي منصب بشعري في الادب

وشخص انا طيب مع شيبه وشاب

وفي الصحب اكتب قوانين الصحب

والشخص ذي يرسب جزاته العقاب

الجيد ذي يصحب علينا يحتسب

والنذل ما يحسب ولاشي له حساب

يا هاجسي اكتب على دنيا العجب

معجب بها معجب وضلي في عجاب

الكل يريد يكسب يلبي ما يحب

فيها ولا يحسب لدنياه احتساب

البعض له مكسب وعايش في طرب

يعيش ما يتعب ويتحدا الصعاب

والبعض يتعذب وعايش في تعب

يتعب ويتعذب ويجلس في عتاب

والبعض يقول اهرب اسافر واغترب

من موطنه يهرب ويحنب في الغياب

والبعض قد شيب وجالس له عزب

بعيشته متعب وعايش في العذاب

وناس تتنيصب وتتناهب رتب

تنهب وما تحسب منين الاكتساب

كم يا وكم احسب لكم اشتي كتب

دنيا عجيبه قب ما فيها صواب

وفي الاخير اكتب الهي لي طلب

بالخير يالله صب يا الرب المهاب

وعين من متعب ومن حضه شقب

وسهل المكسب لشيبتنا وشاب

............