لا شرعية من بعد موت الزعكري
12 مارس 2019م.
..............
لا شرعية من بعد موت الزعكري
ولا حكومة بعد موتش يا حجور
إتبرقعي يا شرعية واتكوفري
مثل النساء والله ما فيكم ذكور
من عند هادي لا الوزير لا العسكري
حرام ما فيكم قبيلي أو غيور
وأنتوا ويا الحوثي سوأ في ناظري
ومش بعيد سدين في هذا الإمور
وكلكم ناوين للشعب البري
ومن دم المسكين شيدتوا قصور
اتحوثي يا شرعية أو جمهري
قد أعتبرناكم من أصحاب القبور
قلنا تعيدوا مجدنا السبتمبري
وتدعموا شعبي على الحوثي يثور
واثاركم شرعية إدفع وإشتري
وزاد جيتوا بالمصايب والدبور
خنتوا وطنكم والتراب الحميري
والشعب يلعنكم على مر العصور
حرام ما تسووا حذاة الزعكري
ولا حذاة أصغر مقاوم من حجور
يا ارض حني يا شوامخ كبري
قولي لقوم الشرعية للخلف دور
خلاص بعد اليوم لاعد تظهري
ويش أستفدنا من غيابش والحضور
إتمتعي يا شرعية واتمسخري
وإتفاخري باللبس وانواع العطور
ويا سهيل بالكيمره جي صوري
ريس وقاده نهجهم كذبه وزور
فكوا حجور الشام كمن سمسري
ملعون ابو من عادهو فيهم فخور
يا شرعية كنت احسب إنش تزئري
مش تطعنينا طعن من خلف الظهور
وجهش ظهر حتى ولو تتنكري
وتقلبي وجه الثعالب لا نمور
كلا ولا عدبه أمل تتغيري
فاافضل لنا نرجم بلحمش للنسور
أما انت ياشيخ النضال الزعكري
عليك من رب السماء رحمة ونور
يا بيض غني له وزفي وإحجري
من يومنا هذا إلى يوم النشور
................
زودنا بالقصيدة الشاعر عبد الاله الدغري
0 تعليقات