مات صالح وما مات اليمن بعد صالح
24 ابريل 2019م.
.............
مات صالح وما مات اليمن بعد صالح
بعد صالح رجال الموت في كل ساحه
مات ذي كان لجل الشعب عمره مكافح
الزعيم ذي بنا شعبة وضمد جراحه
مات
صالح وموته كان للكل جارح
والحزن بعد موت الحر يذبح ذباحه
لا يزال في قلوب الناس بين الجوانح
حي موجود له في القلب أكبر مساحه
مات
صالح وتاريخه بكل الصوافح
صانع المجد والتاريخ له والفصاحه
مات ذي حقق الوحده بكل التسامح
شعب واحد بناه صالح وحقق نجاحه
كل منجز فعل صالح في الشعب واضح
لعن ابو من جحد صالح وينكر صلاحه
نقب الغاز
والبترول تنقيب ناجح
واحتفل شعبنا المغوار يوم إفتتاحه
كم مدارس وكم ياجامعات بالمراوح
والطرق والجسور من منجزه واقتراحه
والتلفون
والكهرب من إنجاز صالح
كي يعيش المواطن في سعاده وراحه
كلمن عاش في عهد الزعيم كان رابح
لا جرع لا غلاء يأهل السمو والسماحه
كان قايد بطل والجيش له صوت قارح
حامي الشعب ما يسمح لحد بالوقاحه
يكفي الأمن كان حامي لماوي وسارح
في عموم البلد في كل صحراء وضاحه
لكن اليوم جات اهل الطمع والمصالح
من كهوف الرباح كلين شجع رباحه
خلوا الشعب في أزمه وفي فقر لايح
كلفتوا كل شي والشعب يلحس ملاحه
طز فينا نعيش والا نموت ما يمازح
والفقيه يدعم أصحابه يعيشوا براحه
ادخلونا حروب حد مات والبعض نازح
وإنه البعض لجل العيش واصل كفاحه
مات صالح زعيم الحريه يأهل رازح
رحمه الله والغدار لا أسعد صباحه
وانت يا شعب رددها معي بعد صالح
لا مكانه لمن هان اليمن واستباحه
قالوا الموت ﻹمريكا وقع في المناسح
وقالوا الموت لإسرائيل وقع في الصباحه
هو وداعش سوا كم صلّحوا من مذابح
ذاك آلي وذاك سكين يذبح ذباحه
واليهود في أمان معهم يوقع تصالح
واليماني ضحيه والبلد مستباحه
لكن اليوم يا شعب اليمن لا تصالح
عبد طهران هبوا واقتلوه من سلاحه
واجعلوه فاليمن عبره من اليوم ورايح
لازمه دعس لاما إيران تسمع صياحه
عزنا او عزانا في اليمن
لا نمازح
والمعزه شموخ والذل من راس ضاحه
قد ظهر حقد عبد السوء بعد التسامح
أغتيال الزعيم مأ اخفوه تم أتضاحه
عاد با اقول لمن في قتل عفاش فارح
با يجي يوم والأنصار تقوم باجتياحه
دمنا
والشرف واحد فلا عد نراتح
كل من ضاق بعدا لصمت قلت الصراحه
لازم الكل
نقراء للزعيم الفواتح
يالله إجعل له الفردوس مقر إستراحه
ختمها بالنبي من قلب مخلص وناصح
من يصلي على المختار طابت جراحه
...............
.jpg)
